| e-texts navigator |
| Wylie |
157a1 རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། སྠི་ཏི་རྟོགས་པའི་རྣལ་འབྱོར་པས་ཅི་ལྟར་སྤྱད་ཀྱང་ཆོས་ཉིད་ཀྱི་རྩིས་ཟིན་ན་ཆོས་ཉིད་ཀྱི་རོལ་པ་སྟེ་ལེའུ་སྟེ་རེ་བརྒྱད
157a2 པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། རང་སེམས་གསལ་བའི་མེ་ལོང་དགུ་སྐོར་ཇི་ལྟར་ལགས།། ཞེས་ཞུས་པ་དང་། དེ་ནས་སྟོན་པས་འཁོར་ལ་འདི་སྐད
157a3 གསུངས།། སྙིང་པོ་མ་ཡི་རང་བཞིན་གཡོ་མེད་འགྱུར་མེད་ཀྱང་།། རིན་ཆེན་གསལ་བའི་མེ་ལོང་རྣམ་དགུ་བཤད།། རྡོ་རྗེ་སེམས་དཔས་ཡིད་ལ་ཟུང་།། སྣང་བ་རང་གནས་མེ་ལོང་དང་།། རིག་པ་རང་ཤར་མེ་ལོང
157a4 དང་།། ཀུན་གཞི་སྤྲོས་བྲལ་མེ་ལོང་སྟེ།། དེ་རྣམས་ཕྱི་ཡི་མེ་ལོང་ངོ་།། ནང་གི་མེ་ལོང་བསྟན་པ་ནི།། སྣང་བ་བརྟགས་སྣང་མེ་ལོང་དང་།། རིག་པ་སྟོང་པའི་མེ་ལོང་དང་།། ཐམས་ཅད་སྐྱེ་འབྱུང་ཀུན་གཞི་སེམས་ཀྱི་མེ
157a5 ལོང་ངོ་།། གསང་བའི་མེ་ལོང་བསྟན་པ་ནི།། སྣང་སེམས་གཉིས་མེད་མེ་ལོང་དང་།། ཡིད་རིག་འགྱུར་མེད་མེ་ལོང་དང་།། སྙིང་པོ་དོན་རྟོགས་སྐྱེ་མེད་སེམས་ཀྱི་མེ་ལོང་ངོ་།། ཞེས་གསུངས་སོ།། སྣང་སྲིད་ཁ་སྦྱོར
157a6 བདུད་རྩི་བཅུད་ཐིགས་འཁོར་བ་ཐོག་མཐའ་གཅོད་པའི་རྒྱུད་ལས། རིན་ཆེན་འཕྲུལ་གྱི་མེ་ལོང་དགུ་སྐོར་བསྟན་པའི་ལེའུ་སྟེ་རེ་དགུ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི
iiif viewer powered by OpenSeadragon
