| e-texts navigator |
| Wylie |
155b1 ལོངས་སྐུ་སྦྲུལ་སྐུ་གསུམ་ལ་དོན་གྱི་ངོ་སྤྲོད་བྱའོ།། སེམས་ཉིད་ཆོས་ཉིད་རིག་པའི་ཡེ་ཤེས་གསུམ་ལ་རྟགས་ཀྱི་ངོ་སྤྲོད་བྱ།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད
155b2 པའི་རྒྱུད་ལས། ངོ་སྤྲོད་རྣམ་གསུམ་བསྟན་པའི་ལེའུ་སྟེ་རེ་བདུན་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་གསོལ།། དེ་ལྟར་སངས་རྒྱས་ངོ་སྤྲོད་ནས།། རྩོལ་བསྒྲུབ་བཅས
155b3 བཅོས་མི་འཚལ་ལམ།། ཞེས་ཞུས་པ་དང་། དེ་ནས་སྟོན་པས་འཁོར་ལ་འདི་སྐད་གསུངས།། སྙིང་པོ་མ་ཡིན་རང་བཞིན་འགྱུར་མེད་ལ།། རྩལ་སྣང་ཡན་ལག་མཚན་ཉིད་སྣ་ཚོགས་སྣང་།། སྣང་ཡང་སྣ་ཚོགས་དང
155b4 ལས་གཡོས་པ་མེད།། གཞན་དུ་མ་བཀོལ་སྙིང་པོའི་ཀློང་དུ་ཐིམ།། ཐིམ་ནས་དབྱེར་མེད་སྐྱེ་མེད་རྟོགས་ཙ་ན།། ཅི་ལྟར་བྱས་ཀྱང་ཆོས་ཉིད་གྲོགས་སུ་འགྱུར།། བྱ་བ་ཐམས་ཅད་བཏང་ལ་ནི།། བྱར་མེད་ངང་ལ
155b5 གནས་པར་བྱ།། ཞི་གནས་མ་བཅོས་ལྷུན་གྱིས་གྲུབ།། ཐ་མལ་རང་ལུགས་གནས་པ་ནི།། སྙིང་པོ་ཆོས་ཉིད་ཀློང་ན་གནས།། མི་བྱ་བཙལ་བའི་ལས་མི་བྱ།། གཡོ་རྩོལ་དགག་བསྒྲུབ་སྤང་ལེན་མེད།། གཉིས་མེད
155b6 རྩིས་གདབ་མེད་པས་གནས་པར་གྱིས།། ཅོག་གེར་ཞོག་ཅིག་གནས་ལུགས་ལ།། བཞག་པ་མེད་པའི་ངོ་བོ་ལ།། འགྲོ་ས་མེད་པའི་སྙིང་པོ་ལ།། རང་ཉིད་ཡིན་གྱིས་རང་སར་གནས།། བསྒྲུབ་རྒྱུ་མེད་ཀྱིས་ཡེ་ནས
iiif viewer powered by OpenSeadragon
