| e-texts navigator |
| Wylie |
155a1 མའི་ཞལ་ལས་ཤེས་པར་བྱ།། ངོ་སྤྲོད་རྣམ་གསུམ་དྲིལ་བས་གཅིག་ཏུ་འདུས།། སྙིང་པོ་འོད་ཀྱི་དཀྱིལ་འཁོར་ཅན།། འོད་མཐའ་མེད་པའི་གཞལ་ཡས་ཁང་།། སྙིང་པོ་དམིགས་མེད་བརྗོད་བྲལ་ཀུན་གྱི
155a2 དངོས།། འོད་འབར་དྲི་མེད་ཆོས་སྐུ་བཞུགས།། དེ་དང་ངོ་སྤྱོད་བསྟན་པ་ནི།། དཔེ་དང་དོན་དང་གཏན་ཚིགས་གསུམ།། དོན་ནི་འདི་བཞིན་ཤེས་པར་བྱ།། བརྗོད་བྱ་ཐམས་ཅད་བརྗོད་མེད་ངང་དུ་སྤྱོད།། མཚོན
155a3 བྱ་ཐམས་ཅད་མཚོན་མེད་ངང་དུ་སྤྱོད།། མིང་འདོགས་ཐམས་ཅད་མིང་མེད་ངང་དུ་སྤྲོད།། འདོད་ཞེན་ཐམས་ཅད་འདོད་མེད་ངང་དུ་སྤྲོད།། བྱ་བྱེད་གཉིས་འཛིན་རྟག་ཞེན་རྣམས།། བྱར་མེད་འཛིན་མེད་རྟག་ཞེན
155a4 པར་སྤྱོད།། དཔེ་ནི་དེ་བཞིན་ཤེས་པར་བྱ།། རྒྱ་མཚོ་ཆུ་བྲན་ངོ་སྤྱོད་དབྱེར་མེད་ཕྱེད།། འོ་མ་ཆུར་འདྲེས་དབྱེར་མི་ཕྱེད།། ཚྭ་དང་ཆུར་འདྲེས་དབྱེར་མི་ཕྱེད།། གཏན་ཚིགས་འདི་བཞིན་ཤེས་པར་བྱ།། མཚན་ཉིད
155a5 སྙིང་པོར་ཐིམ་པས་དབྱེར་མི་ཕྱེད།། སྙིང་པོ་ཡན་ལག་ཐིམ་པས་དབྱེར་མི་ཕྱེད།། འོད་དང་ཟེར་འཕྲད་དབྱེར་མི་ཕྱེད།། ཆོས་སྐུ་ལོངས་སྐུར་ཐིམ་པས་དབྱེར་མི་ཕྱེད།། རིག་པའི་སྙིང་པོར་ཐིམ་པས་དབྱེར་མི
155a6 ཕྱེད།། མ་ལ་བུ་ཐིམ་དབྱེར་མི་ཕྱེད།། ཡེ་ཤེས་རང་སར་ཐིམ་པས་རྣམ་རྟོག་རང་སར་གྲོལ།། སྙིང་པོ་ཀློང་ནས་ཤར་བས་སྐུ་གསུམ་འདུ་འབྲལ་མེད།། ཆུ་དང་མེ་ལོང་ཤེལ་སྒོང་གསུམ་ལ་དཔེ་ཡི་ངོ་སྤྲོད་བྱ།། ཆོས་སྐུ
iiif viewer powered by OpenSeadragon
