| e-texts navigator |
| Wylie |
154a1 ལྔ་ལྟ་སྒོམ་དབྱིངས་དང་ཡེ་ཤེས་སངས་རྒྱས་ཞིང་ཁམས་རྣམས།། མ་འགྲུས་མི་བསྐྱོད་ཞེན་འཛིན་མེད།། དབྱེ་བསལ་རྩིས་གདབ་མེད་པའི་རྩས་མཆོད།། སྙིང་པོ་འདུས་མ་བྱས་པའི་གཡུལ་དུ
154a2 བསྡུས།། འཁྲུལ་སྣང་རྩད་གཅོད་རྒྱ་ཟོར་གྱིས།། ཡན་ལག་བུ་ཡི་རྟོག་ཚོགས་སྙེ་མ་རྣམས།། སྒོ་ལྔ་ཡུལ་འཛིན་ཆགས་ཞེན་རྩད་ནས་གཅོད།། རང་བྱུང་རྒྱལ་བའི་རྒྱ་བརྡུང་གིས།། ཉོན་མོངས་སྙེ་མ་ཐལ་རྡུལ་དུ
154a3 བརྡུངས།། ཉོན་མོངས་བརྒྱད་ཁྲི་བཞི་སྟོང་རླུང་ལ་བསྐུར།། སྡུག་བསྔལ་བརྒྱད་ཁྲི་བཞི་སྟོང་གཏན་ནས་བརླག། སྐུ་གསུམ་འདུ་འབྲལ་མེད་པའི་དཀར་མོ་ནས།། སྙིང་པོ་མཁའ་དབྱིངས་རྣམ་དག་མཛོད་དུ
154a4 བླུགས།། ངང་དངས་ཞེན་ཆགས་འཛིན་པ་རྩད་ནས་གཅོད།། སྙིང་པོ་འགྱུར་མེད་སྐྱེ་མེད་རྒྱ་ཡིས་བཏབ།། བྱང་ཆུབ་སེམས་ཀྱི་ལོ་ཏོག་བདུད་རྩིར་འཁྲུངས།། ཕུག་ཆུད་རྒྱས་ཐེབས་རྒྱུ་རྐྱེན་སྐྱེ་འཇིག་མེད།། གཉེན
154a5 པོས་མི་ཤིགས་གཞན་གྱིས་ཕྲོག་དབང་མེད།། ཅེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཟིགས། འཁོར་བ་ཐོག་མཐའ་གཅོད་པའི་རྒྱུད་ལས། སོ་ནམ་སེམས་ལ་བྱ་བའི་ལེའུ་སྟེ་རེ་དྲུག
154a6 པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། ཆོས་སྐུ་བརྡའ་ཡི་ངོ་སྤྲོད་ཇི་ལྟར་ལགས།། ཞེས་ཞུས་པ་དང་། དེ་ནས་སྟོན་པ་ཀུན་བཟང་དེ།། སྙིང་པོ་མ་བུ་དབྱེར་མེད
iiif viewer powered by OpenSeadragon
