| e-texts navigator |
| Wylie |
153b1 གཉིས་མེད་རུ་ཐག་དཀྲིས།། རྩིས་གདབ་མེད་པའི་དོར་ཟག་བཏང་།། རང་འགྱུར་རང་སངས་ཐོང་མཁན་པས།། ཁམས་གསུམ་འགྲོ་དྲུག་ཉོན་མོངས་ཟ་བ་ལ།། ཤེས་རབ་ཟབ་མོའི་ཐོད་པ་བཙུགས།། སྡུག་བསྔལ
153b2 ཉོན་མོངས་ཐ་བ་རྨོས།། ཉོན་མོངས་བརྒྱད་ཁྲི་རྩད་ནས་ཕྱུང་།། འཁྲུལ་པའི་སྡུག་བསྔལ་རམ་པ་བཏོན།། འགོང་པོ་ངར་འཛིན་རུ་མ་མེད།། རྒྱུ་དྲུག་དུག་ལྔ་དུག་གསུམ་ཐ་རྒོད་ཐུལ།། མཉམ་པ་ཉིད་ཀྱི་བཤལ་བས
153b3 བཤལ།། འགྱུར་བ་མེད་པའི་ཐོག་བཏབ་ལ།། ཡེ་ཤེས་ཟང་ཐལ་གནང་མ་བཏོད།། ཐུགས་རྗེ་ཀུན་ཁྱབ་བེའུ་བྱས།། རྩིས་གདབ་མེད་པའི་ག་གཅིག་བྱས།། དེ་ནས་བྱང་ཆུབ་མྱུ་གུ་སྐྱེས།། འཁྲུལ་ཆོད་ཡེ་ཤེས་ལྡང
153b4 པ་སྐྱེས།། བག་ཙམ་ཉོན་མོངས་བག་ཆགས་ཀྱིས།། གཟུང་འཛིན་རྣམ་རྟོག་སྔོ་ཡང་སྐྱེས།། རང་རིག་འཕྲུལ་གྱི་ཁྱེའུ་ཆུང་གིས།། ཤེས་རབ་རྣོན་པོའི་རྐོ་མ་ཐོག། རྣམ་རྟོག་ཆགས་ཞེན་སྔོ་རུ་ཕྱེ།། འཁྲུལ་སྣང་མང་པོའི
153b5 སྔོ་རྣམས་རྩད་ནས་བཅད།། སྤྲོས་པ་ཐག་ཆོད་ཡུར་མ་ཟིན།། གསང་སྔགས་བཀའ་ཡི་རྒྱ་མཚོ་ནས།། ཐེག་ཆེན་བདུད་རྩིའི་བྱང་ཆུབ་ཆུ་ཆེན་དེ།། ཐེག་པ་དགུ་ཡི་ཡུར་བར་དྲངས།། སྣང་སྲིད་འཁོར་འདས་ཞིང་རྣམས
153b6 བཅུས།། ཁ་གཏིང་མེད་པ་ཆོས་ཉིད་ཆུ་ཡིས་སྤངས།། མྱ་ངན་འདས་པའི་ལོ་ཏོག་རྒྱས།། སྐུ་གསུམ་སངས་རྒྱས་འབྲས་བུ་སྨིན།། སྐུ་གསུམ་ཡིད་ལ་མི་བྱེད་རྩས་མ་བྱེད།། སངས་རྒྱས་ཡིད་ལ་མི་བྱེད་རྩས་མ་བྱེད།། སྐུ
iiif viewer powered by OpenSeadragon
