| e-texts navigator |
| Wylie |
152b1 མཐོང་བ།། སུས་ཀྱང་མ་ཤེས་མ་མངོན་པ།། སུས་ཀྱང་མ་རྟོགས་མི་འགྱུར་བ།། སུས་ཀྱང་མ་ཐོབ་བརྗོད་མེད་པ།། མི་འགྱུར་ནོར་བུ་རིན་ཆེན་དེ།། ཀུན་འབྱུང་མི་ཟད་གཏེར་མཛོད་ཆེ།། སེམས་ཉིད་ནོར་བུ་རིན་ཐང
152b2 ཆེ།། ངང་དངས་ཁྱེའུ་ཆུང་འོད་གསལ་ནོར་དེ་ཉོ།། བདག་མོ་རྒན་མོ་ལོང་མ་གཅིག་ལས་ཉོ།། བར་མིར་ཤེས་རབ་རྣམ་གསུམ་བཏང་།། ལུང་རིགས་གཉིས་ཀྱི་ཚོང་ཞིག་བྱས།། བློས་བརྟགས་བལྟ་བ་རིན་དུ
152b3 འཇལ།། ཡིད་བཟུང་བསྒོམ་པ་རིན་དུ་འཇལ།། ཆེད་བྱས་སྤྱོད་པ་རིན་དུ་འཇལ།། ཡིད་སྨོན་འབྲས་བུ་རིན་དུ་འཇལ།། འདོད་པ་ངོམས་མེད་རིན་དུ་འཇལ།། འཛིན་པའི་ཕུར་པ་རིན་དུ་འཇལ།། ཞེན་པའི་མཚོ་མོ
152b4 རིན་དུ་འཇལ།། མུན་པའི་འཁར་སྒོ་རིན་དུ་འཇལ།། རིན་བརྒྱད་བཅལ་ནས་ནོར་ཞིག་ཐོབ།། ནོར་ནི་ཀུན་འབྱུང་རིན་པོ་ཆེ།། གཉིས་མེད་ཆེན་པོར་ཚོང་ཞིག་ཟིན།། འཁོར་འདས་གཉིས་མེད་ཚོང་ཞིག་ཟིན།། སངས།
152b5 རྒྱས་སེམས་ཅན་གཉིས་མེད་ཚོང་ཞིག་ཟིན།། མ་རིག་ཡེ་ཤེས་གཉིས་མེད་ཚོང་ཞིག་ཟིན།། དེ་རུ་ཚོང་ཟིན་ཁྱིམ་དུ་ཕྱིན།། ཆོས་ཉིད་དབྱིངས་ཀྱི་ཁྱིམ་ནང་དུ།། གདམས་ངག་ཟབ་མོའི་བྱོན་ཆང་འཐུངས།། ཏིང་འཛིན
152b6 བདུད་རྩི་ཆེན་པོ་ཟོས།། བདེ་བ་ཆེན་པོའི་གོས་ཤིག་གོན།། འགྱུར་བ་མེད་པའི་གདན་ཞིག་བཏིངས།། ཆོས་ཉིད་འགྱུར་མེད་སྔས་ཤིག་བཅུག། བདེ་ཆེན་ཀློང་དུ་ཁྱུར་གྱིས་ཉལ།། མི་བྱ་རྩོལ་བའི་ལས་མ་བྱས།། བྱ
iiif viewer powered by OpenSeadragon
