| e-texts navigator |
| Wylie |
151b1 བཏང་།། དོན་དམ་མི་འགྱུར་ཀ་བ་བཙུགས།། སུམ་ཅུ་རྩ་ལྔའི་ལྕམ་གཅིག་བཏང་།། ཁྲུས་དང་གཙང་སྦྲའི་དྲལ་ལྕམ་བཏང་།། དམ་ཚིག་རྣམ་ལྔའི་འདག་པས་མནན།། ཕྱི་རྒྱུད་སྡེ་གསུམ་འོག་ཁང་ལ།། བསྐྱེད་རྫོགས
151b2 གཉིས་ཀྱི་བར་ཁང་བརྩིགས།། ཐབས་དང་ཤེས་རབ་ཐོག་གཅིག་ཕུབ།། དོན་དམ་འགྱུར་བ་མེད་པའི་གདུང་ཞིག་བཏང་།། ཀུན་རྫོབ་ལྷ་དང་ལྷ་མོའི་ལྕམ་རྣམས་བཀོད།། ཐབས་དང་ཤེས་རབ་གཉིས་མེད་ཀ་བ
151b3 བཙུགས།། ཆོ་ག་ལྔ་གསུམ་བཅོ་ལྔའི་དྲལ་ལྕམ་བཏང་།། དམ་ཚིག་ས་མ་ཡ་ཡི་འདག་པས་མནན།། བསྐྱེད་རྫོགས་གཉིས་ཀྱི་བར་ཁང་ལ།། རྫོགས་པ་ཆེན་པོའི་སྟེང་ཁང་བརྩིགས།། སྐྱེ་བ་མེད་པའི་གདུང་བཏང
151b4 ལ།། མཉམ་པ་ཉིད་ཀྱི་བྱོ་ལེ་བྱས།། རྒྱ་ཆད་ཕྱོགས་ལྷུང་མེད་པའི་ཐོག་གཅིག་ཕུབ།། འགྱུར་བ་མེད་པའི་གདུང་ཞིག་བཏང་།། ཐིག་ལེ་ཉག་གཅིག་ཀ་བ་བཙུགས།། མ་འདྲེས་ཡོངས་སུ་རྫོགས་པའི་ལྕམ་ཞིག
151b5 བཀོད།། ཐེག་དམན་རྣམས་ཀྱི་དྲལ་ཚག་བཏང་།། ཆོས་ཉིད་འདལ་བའི་འདག་པས་མནན།། སྤྱི་ཏི་ཡོ་གའི་པུ་ཤུ་ལ།། གཏན་ཚིགས་བཞི་ཡི་བག་མ་བཏགས།། ཡེ་ཤེས་ཟང་ཐལ་མདའ་ཡབ་བཏོད།། ཟུར་བཞི
151b6 གཏན་ཚིགས་ཆེན་པོ་བཞི།། ལོངས་སྤྱོད་རྫོགས་པའི་རྫོགས་ལུགས་བཞི།། བསྐྱེད་རྫོགས་རྣམ་གསུམ་མི་འགྱུར་བསམ་གཏན་མཁར།། མཁར་ཁང་གཉིས་ཀྱི་བདག་པོ་བདག་མོ་བ།། ཀུན་བཟང་ཡབ་ཡུམ་ཕ་མ
iiif viewer powered by OpenSeadragon
