| e-texts navigator |
| Wylie |
151a1 ཏུ་བཟང་པོས་འདི་སྐད་ཅེས་བཀའ་སྩལ་ཏོ།། སྣོད་དང་སྐལ་བར་ལྡན་པའི་རྡོ་རྗེ་སེམས་དཔའ་ཉོན།། སྙན་ནས་སྙན་དུ་བརྒྱུད་པའི་སྙན་རྒྱུད་བརྡའ་ཡི་མན་ངག་བཤད།། སྙིང་པོ་མ་ཡི་རང་བཞིན་གཡོ
151a2 མེད་འགྱུར་བ་མེད།། རྩལ་སྣང་ཡན་ལག་ངང་དངས་རིན་ཆེན་རྒྱལ་ཁང་བརྩིགས།། ཆོས་ཉིད་ཡངས་པའི་ས་གཞི་ལ།། དམ་ཚིག་དག་གི་འགྲམ་རྡོ་བཏིང་།། དམ་པའི་ཆོས་ཀྱི་རྩིགས་པ་བརྩིགས།། སྙིང་རྗེ་ཆེན་པོ
151a3 འདག་པས་སྦྱར།། མཚན་ཉིད་སྡེ་གསུམ་ཁང་པ་ལ།། གཏན་ཚིགས་སྒྲ་ཡི་ཐོག་གཅིག་ཕུབ།། དོན་དམ་བདེན་པའི་གདུང་གཅིག་བཏང་།། སྤྲོས་དང་བྲལ་བའི་ཀ་བ་བཙུགས།། སྒྲ་དང་གཏན་ཚིགས་མང་པོའི་ལྕམ
151a4 བཀོད་ལ།། དངོས་སུ་རྗེས་དཔག་མང་པོའི་དྲལ་མ་བཏང་།། ཐ་སྙད་མང་པོའི་འདག་པས་མནན་པའོ།། ཁས་མི་ལེན་གྱི་སྒོ་བཏོད་ལ།། ཚད་མེད་བཞི་ཡི་རུ་བཞི་བཏང་།། རབ་ཏུ་མི་གནས་སྒོ་ཡི་བསྡམས།། ཟུར
151a5 བཞི་ཚད་མ་བཞི་ཡི་ཀ་ཞུ་བཞིས།། ལོགས་བཞི་རབ་ཏུ་མི་གནས་བཞི།། མཚན་ཉིད་སྡེ་གསུམ་ཁང་པའོ།། བསྐྱེད་རྫོགས་རྣམ་གསུམ་མཁར་གཅིག་བརྩིགས།། ཟུར་བཞི་ཚད་མ་བཞི་ཡི་ཀ་ཞུ་བཞིས།། ལོགས
151a6 བཞིར་རབ་ཏུ་མི་འགྱུར་རྨང་ཞིག་བཙུགས།། ཆོས་ཉིད་བརྟན་པའི་གོར་མ་བརྩིགས།། ཆོས་ཉིད་རླན་དང་མ་བྲལ་འདག་པས་སྦྱར།། དག་པ་རྣམ་གསུམ་ཐོག་གཅིག་འབུབས།། དག་པ་ཆེན་པོའི་གདུང་ཞིག
iiif viewer powered by OpenSeadragon
