| e-texts navigator |
| Wylie |
150b1 དམག་དཔོན་གསུམ་གྱིས་སྣ་དྲངས་པའི།། ཉི་མ་ནུབ་པའི་གྲིབ་སོ་ཙམ་ལ་འོང་གིས། དེ་རྣམས་བྱུང་བར་གྱུར་པ་ན། ཟངས་སུ་བསྐོལ་བའི་དུག་ལུད་ལ།། དགྲ་དཔུང་ཆོམ་ལ་དགྲ་རྣམས་སོད།། དེས་མ་སོད་ན་ལྟོ།
150b2 ཆོས་སུ།། གངས་ཀྱི་རྩེ་མོར་སེང་གེ་ཞོན།། ནམ་མཁའི་ངང་དུ་མདུང་བསྐོར་གྱིས།། རི་རྒྱལ་ཆེན་པོའི་རྩེ་མོར་མེ་ཆེན་སྒོར།། རྒྱ་མཚོའི་གཏིང་དུ་མེ་མར་ཐོགས།། མུན་པའི་ནང་དུ་ཉི་ཟླ་ཐོགས།། རླུང་པོའི་གསེབ་ཏུ
150b3 རལ་གྲི་ཐོགས།། བདུད་རྩིའི་བཅུད་འཐུང་སྤངས་ལ་གསེར་ཕུར་ཐོབ།། གང་ལ་ཉི་མ་ཤར་དུ་ཆུག། འོན་ཀྱང་ཟངས་སུ་བསྐོལ་བའི་དུག་ཆུ་ཡིས།། དགྲ་ཡི་དཔུང་རྣམས་བཅོམ་གྱུར་ནས།། དགྲ་ཡི་དཔུང་རྣམས་རྩད
150b4 ཆོཚོད་སོང་།། གཉེན་སྲིད་མ་གཏོགས་དགྲ་ནི་གཅིག་ཀྱང་མེད།། སྲིད་སྡེ་ཚོགས་པར་གྱུར་པ་ལ།། ཟངས་ཀྱི་བདུད་རྩི་སྨན་བླུད་ལ།། འོན་ཀྱང་ཐམས་ཅད་བདེ་ཆེན་སངས་རྒྱས་ས།། སྡུག་བསྔལ་ཀུན་གྲོལ་སངས་རྒྱས
150b5 ཆོས་སྐུ་ཐོབ།། ཀུན་ཀྱང་དབྱེ་བསལ་རྩིས་གདབ་མེད།། བདག་གཞན་གཉིས་མེད་དབྱེ་བསལ་རྩིས་གདབ་མེད།། ཅེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི
150b6 རྒྱུད་ལས། རང་སེམས་བརྡའ་རུ་བཀོད་པའི་ལེའུ་སྟེ་རེ་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། བརྡའ་ཡི་ལེའུ་ཇི་ལྟར་ལགས་ཞེས་ཞུས་པ་དང་། དེ་ནས་ཀུན
iiif viewer powered by OpenSeadragon
