| e-texts navigator |
| Wylie |
14a1 གཞན་པ་མེད།། ཆོས་བརྒྱད་རང་སར་གྲོལ་བ་མཉམ་པའི་ཕྱིར།། སྐྱེ་བོ་ཉིད་ཀྱང་མ་སྤངས་ཆོས་ཀྱི་སྐུ།། དཔེར་ན་ཨ་ཤུ་ཀ་ཉིད་བདུད་རྩིར་ཤེས།། དེ་བཞིན་སྐྱེ་བོ་རང་སེམས་འདི་ཉིད་ནི།། བླ་མས
14a2 དོན་བསྟན་ཐ་མལ་བྱང་ཆུབ་སེམས།། བདག་ཉིད་སྙིང་པོ་དོན་ཉིད་ཡེ་ནས་ཡིན།། དེ་ཡང་འདུས་པའི་རྡོ་རྗེ་སེམས་དཔའ་ཉོན།། ཆོས་ཉིད་དོན་མ་རྟོགས་པའི་སྐྱེ་བོ་སྟེ།། དེ་ཉིད་ལུང་དང་མན་ངག་དོན་སྟོབས
14a3 ཀྱིས།། རང་སེམས་རྟོགས་པས་སྐྱེ་བོ་མིན་པའི་ཕྱིར།། མ་བསྒོམས་གོལ་བ་མེད་པར་མཁས་པས་གསུངས།། ངོ་བོ་ཉིད་ལ་རྟག་ཆད་མེད་པའི་ཕྱིར།། སེམས་ཉིད་རང་གསལ་དོན་གྱིས་མ་བརྗེད་པས།། ཕྱལ་པ་ལུང
14a4 མ་བསྟན་དུ་གོལ་ས་མེད།། དཔེར་ན་གསེར་འགྱུར་རྩི་ཡིས་གང་ཐེབས་རྣམས།། ཐམས་ཅད་གསེར་ལས་གཞན་དུ་མི་འགྱུར་བཞིན།། དེ་བཞིན་མུ་སྟེགས་སྐྱེ་བོ་སེམས་ཉིད་ཀྱང་།། མན་ངག་གསེར་འགྱུར་རྩི
14a5 ཡིས་ཐེབས་པའི་སེམས།། མུ་སྟེགས་རྣམས་ཀྱང་ཡེ་ཤེས་བདེ་བའི་ངང་།། ཡུལ་ལ་མི་ཞེན་ཕྱིར་ན་བསྒོམ་དུ་མེད།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། མ་བསྒོམས་ཀྱང་གོལ་ས་མེད
14a6 པར་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་རྡོ་རྗེ་སེམས་དཔས་ཡང་ཞུས་པ།། རང་སེམས་སྙིང་པོ་དོན་རྫོགས་ལྟ་བ་ཡི།། ངེས་དོན་གདམས་ངག་རྟོགས་པའི་འབྲས་བུ་གང་།། ངོ་བོ
iiif viewer powered by OpenSeadragon
