| e-texts navigator |
| Wylie |
149b1 རྣམས་སྟོན།། གཞན་ལ་བསྟན་པའི་དུས་མ་ཡིན།། ཅིའི་ཕྱིར་ཞེ་ན་འཁོར་བའི་བདུད་ཀྱིས་བསླུས་པ་མང་།། གཟུང་འཛིན་གཉིས་ཀྱིས་བཅིངས་པ་མང་།། ཆགས་སྡང་གཉིས་ལ་ཞེན་པ་མང་།། རེ་དོགས་གཉིས་སུ
149b2 ཆུད་པ་མང་།། དེ་ཕྱིར་སྣོད་མེད་ཆོས་མ་ཡིན།། གང་གིས་ཉམས་སུ་སྤངས་ཀྱང་སྐུ་གསུམ་རང་ལ་འཆར།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས།།
149b3 རང་སེམས་བླ་མར་བསྟན་པའི་ལེའུ་སྟེ་རེ་གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། ཆོས་རྣམས་བརྡའ་ཡིས་ཇི་ལྟར་བཤད།། ཅེས་ཞུས་པ་དང་། དེ་ནས་སྟོན
149b4 པ་ཀུན་བཟང་དེ།། རིན་པོ་ཆེ་འོད་དབྱེ་བ་མེད་པའི་ཏིང་ངེ་འཛིན་ལ་བཞུགས་སོ།། དེ་ལས་བཞེངས་ནས་འཁོར་ལ་འདི་སྐད་གསུངས།། ཡུལ་ཁམས་གཅིག་ན་མི་གཅིག་བདོག་པར་གདའ།། དེ་ལ་ནོར་གཅིག་ཡོད
149b5 པར་འདའ།། ནོར་གཅིག་པོ་དེ་མི་ཟད་གཏེར་ཡིན་སྐད།། ནོར་དེ་ཐོབ་པར་བདོག་ལགས་སམ།། ཐོབ་ཏུ་མི་སྟེར་འདྲེ་གཅིག་ཡོད།། འདྲེ་དེ་ངོ་ཤེས་སྐད་ལགས་སམ།། ནོར་ལ་སྦས་པའི་ས་གཅིག་བདོག། སྦས་ས
149b6 གང་ཡིན་ཤེས་ལགས་སམ།། ནོར་ལ་ཕྱོགས་མེད་ཡུལ་ཞིག་ཡོད།། ཡུལ་དེ་ངོས་ཤིག་ཟིན་ལགས་སམ།། ནོར་ལ་བདག་པོ་མི་གཉིས་ཡོད།། དེ་གཉིས་གང་ཡིན་ཤེས་ལགས་སམ།། ནོར་ལ་ཐོབ་ཐབས་རྣམ་གསུམ
iiif viewer powered by OpenSeadragon
