| e-texts navigator |
| Wylie |
149a1 གསུངས།། འདུས་པ་རྣམ་གསུམ་ངས་བཤད་ཀྱི།། འཁོར་རྣམས་མ་ཡེངས་ཡིད་ལ་ཟུང་།། སྙིང་པོའི་རང་བཞིན་གཡོ་བ་མེད་པ་ལ།། ཡན་ལག་རིག་པ་རྩལ་གྱིས་མིང་བཏགས་པས།། ཐེག་པ་བརྒྱད
149a2 ཁྲི་བཞི་སྟོང་ཡང་།། སྤྱི་ཏི་ཡོ་གའི་ངང་དུ་འདུས།། དམ་ཆོས་བརྒྱད་ཁྲི་བཞི་སྟོང་ཡང་།། ཆགས་འཛིན་མེད་པའི་ངང་ལ་འདུས།། བསོད་ནམས་ཚོགས་ཀྱི་ཡན་ལག་བརྒྱད་ཁྲི་བཞི་སྟོང་ཡང་།། ཕྱོགས་མཚམས་མེད
149a3 པའི་སྙིང་རྗེ་ཆེན་པོར་འདུས། ཨེ་མ་ཧོ། འདུས་པ་གསུམ་གྱི་མན་ངག་འདིས།། དུག་གསུམ་རྩད་ནས་གཅོད་པར་ངེས།། སྲིད་གསུམ་ཟིལ་གྱིས་ནོན་པར་ངེས།། ཁམས་གསུམ་འཁོར་ས་མེད་པར་ངེས།། སྐུ་གསུམ
149a4 རང་ལས་གྲུབ་པར་ངེས།། ས་གསུམ་མ་བགྲོད་སངས་རྒྱས་ས།། ཁམས་གསུམ་མ་སྤངས་སྐུ་གསུམ་ཞིང་།། འདི་ལྟ་བུ་ཡི་གདམས་ངག་ལ།། བལྟ་བས་མ་བལྟས་སེམས་ཉིད་དབྱིངས་སུ་ཐིམ།། བསྒོམས་པས་མ
149a5 བསྒོམས་རྟོག་མེད་འགྱུར་མེད་ངང་དུ་ཐིམ།། སྤྱོད་པས་མ་སྤྱད་ཆགས་མེད་ཞེན་མེད་བྱར་མེད་སྤྲོས་བྲལ་དང་དུ་ཐིམ།། འབྲས་བུ་མ་བསྒྲུབས་རེ་མེད་རང་གནས་ཚིག་ཆོད་སྐུ་གསུམ་འགྱུར་མེད་ཀློང་དུ་ཐིམ།། དུས
149a6 གསུམ་ཐིམ་པས་གཞི་ཡི་གདམས་ངག་འདིས།། ཁམས་གསུམ་རྩད་བཅད་འགྲོ་དྲུག་གཡང་ས་ཆོད།། རྡོ་རྗེ་སེམས་དཔས་ཐུགས་ཀྱི་དཀྱིལ་དུ་ཆོངས།། དགའ་རབ་རྡོ་རྗེས་ཕྱིས་འབྱུང་ལ།། དོན་གྱི་གདམས་ངག་འདི
iiif viewer powered by OpenSeadragon
