| e-texts navigator |
| Wylie |
148b1 ལུགས་རྣམ་གསུམ་སྟེ།། མ་ནི་གཅོད་ལུགས་གསུམ་དུ་གསུངས།། བླ་ནི་དུག་གསུམ་ང་བདག་ཉིད།། མ་ནི་སྐུ་གསུམ་ཤེས་རབ་ཐབས།། སྔ་ནི་ཁམས་གསུམ་འཁོར་བ་སྟེ།། མ་ཡིས་དེ་རྣམས་སྡུག་བསྔལ་སྒྲོལ།། བླ་ནི
148b2 སྡུག་བསྔལ་བརྒྱད་ཁྲི་སྟེ།། མ་ཡིས་དེ་རྣམས་བདེ་ཆེན་སྐྱོབས།། བླ་ནི་སྐྱེ་རྒས་ན་འཆི་སྟེ།། མ་ཡིས་ཆུ་བོའི་གཞི་རྩ་ཆོད།། བླ་ནི་གཉིས་འཛིན་ཐམས་ཅད་དེ།། མ་ཡིས་གཟུང་འཛིན་གཉིས་ལས་གྲོལ།། བླ་ཡིས་སྣང
148b3 སྲིད་ཡུལ་སེམས་གཉིས།། མ་ནི་གཉིས་མེད་དབྱེ་བསལ་མེད།། བླ་ནི་ཕྱི་ནང་གཉིས་མེད་དེ།། མ་ནི་བཟང་ངན་དགག་སྒྲུབ་མེད།། བླ་ནི་སྒོ་ལྔ་ཡུལ་ལྔ་ཡིན།། མ་ནི་མི་འཇུག་མི་འབྲིད་ཡིན།། བླ་ནི་དཀར་དམར་སྣ
148b4 ཚོགས་ཏེ།། མ་ནི་སྣ་ཚོགས་མི་འཛིན་ཞེན་པ་མེད།། བླ་ནི་བདེན་པ་གཉིས་ཀྱི་ཆོས།། མ་ནི་བདེན་པ་གཉིས་མེད་དོ།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཟིགས། འཁོར་བ་ཐོག་མཐའ་གཅོད་པའི
148b5 རྒྱུད་ལས། བླ་མའི་ངེས་ཚིག་བསྟན་པའི་ལེའུ་སྟེ་རེ་གཉིས་པའོ།།
148b6 དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། མ་ཧཱ་གུ་རུ་ཀུན་བཟང་གིས།། བསྡུས་པའི་གདམས་ངག་ཇི་ལྟར་ལགས།། ཞེས་ཞུས་པ་དང་། དེ་ནས་སྟོན་པས་འཁོར་ལ་འདི་སྐད
iiif viewer powered by OpenSeadragon
