| e-texts navigator |
| Wylie |
148a1 ན་བསྐལ་པ་སྟོང་གི་སངས་རྒྱས་ཀྱང་།། གུ་རུ་དག་ལ་བརྟེན་ནས་རྒྱས།། དེ་ཕྱིར་མ་ཧཱ་གུ་རུ་རྣམས།། སྙིང་དང་མིག་བཞིན་བཀུར་བར་གྱིས།། ཕྱི་ཡི་གུ་རུ་བརྟེན་པ་ཡིས།། ནང་གི་བླ་མ་གསལ་བར
148a2 འགྱུར།། བྱིན་རླབས་དངོས་གྲུབ་མན་ངག་རྣམས།། མ་ཧཱ་གུ་རུ་དྲུག་ལ་གནས།། དེ་ཕྱིར་སློབ་དཔོན་གཉན་པར་གསུངས།། འོན་ཀྱང་བྱིན་རླབས་དངོས་གྲུབ་འབྱུང་།། དེ་བས་གོང་ལྟར་བཀུར་བསྟི་གྱིས།། རང
148a3 སེམས་བླ་མར་བཀོད་པའོ།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཟིགས། འཁོར་བ་ཐོག་མཐའ་གཅོད་པའི་རྒྱུད་ལས། སེམས་ཉིད་བླ་མར་བཀོད་པའི་ལེའུ་སྟེ་རེ་གཅིག་པའོ།། །། དེ
148a4 ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། བླ་མའི་ངེས་ཚིག་ཇི་ལྟར་ལགས།། ཞེས་གསོལ་པ། སྟོན་པས་འཁོར་ལ་འདི་སྐད་གསུངས།། སྙིང་པོའི་རང་བཞིན་མིང་མེད་བརྗོད་མེད
148a5 ཀྱང་།། ཡན་ལག་ཕལ་གྱི་དབང་གི་ངེས་ཚིག་བཤད།། བླ་མ་བྱ་བའི་ངེས་ཚིག་ནི།། བླ་ནི་ཡང་དག་སངས་རྒྱས་ཡིན།། མ་ནི་སྐྱེ་མེད་རྒྱུ་རུ་གསུངས།། བླ་ནི་རྩལ་སྣང་བུ་ཡིན་ཏེ།། མ་ནི་ཆོས་ཉིད་ཡུལ་དུ
148a6 གསུངས།། བླ་ནི་སྙིང་པོ་ཆོས་སྐུ་ཡིན།། མ་ནི་འགྱུར་མེད་སྐྱེ་བ་མེད།། བླ་ནི་རིག་པའི་སྣང་ཚུལ་ཏེ།། མ་ནི་ཀུན་གཞི་སྤྱི་ཁྱབ་བོ།། བླ་ནི་སྤྱི་ཡི་མཚན་ཉིད་དེ།། མ་ནི་འཆར་སྒོ་གཉིས་སུ་གསུངས།། བླ་ནི་འཁྲུལ
iiif viewer powered by OpenSeadragon
