| e-texts navigator |
| Wylie |
146b1 འཛིན་ཆོས།། ཀུན་ཏུ་བཟང་པོས་མ་བཤད་དོ།། ཆོས་སྐུ་ལོངས་སྐུ་སྦྲུལ་སྐུའམ།། སངས་རྒྱས་ཆོས་དང་སྐུ་ལྔའམ།། ཇི་ལྟ་བུ་ལ་འདོད་རྒྱུ་མེད།། ཡིད་ལ་མི་བྱེད་བྱ་བ་བཏང་།། མི་བྱ་རྩོལ་བའི་ལས་མི་བྱ།། བསམ
146b2 མེད་ངང་ནས་འགྱུར་བ་མེད།། སྣང་བྱེད་དབྱེར་མེད་དོན་གྱི་གནས་ལུགས་ལ།། བཅོས་སུ་མེད་པས་རིག་པ་རང་གནས་བཞག། བསམ་དུ་མེད་པའི་ཆོས་ཉིད་ཀློང་ཡངས་ལ།། བསྒོམ་དུ་མེད་པའི་དྲན་སེམས་རང
146b3 དངས་རང་སར་བཞག། ཀུན་ཏུ་བཟང་པོས་མ་བསྒོམས་མ་བསམས་ན།། རྡོ་རྗེ་སེམས་དཔས་དེ་ལ་ཅི་ཞིག་བསྒོམ།། བལྟ་རུ་མེད་པས་བལྟ་བ་ཁྱད་པར་འཕགས།། བསྒོམ་དུ་མེད་པའི་ཏིང་འཛིན་ཆེན་པོ
146b4 ཡིན།། སྤྱད་དུ་མེད་པས་སྤྱོད་པ་ཁྱད་པར་འཕགས།། བསྒྲུབ་ཏུ་མེད་པས་ཆོས་སྐུ་རང་འཁྲུངས་ཡིན།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། སྤྱི
146b5 ཏིའི་མན་ངག་བདུད་རྩི་ཉིང་ཁུ་བསྟན་པའི་ལེའུ་སྟེ་དྲུག་ཅུ་ཐམ་པའོ།། །། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། རང་སེམས་སྔ་མར་བཀོད་པ་ཡི།། དེ་ཡི་བཤད་ལུགས་སྡེ
146b6 ལྟར་ལགས།། ཞེས་ཞུས་པ་དང་། དེ་ནས་སྟོན་པ་ཀུན་བཟང་ངས། རིན་པོ་ཆེ་འགྱུར་བ་མེད་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ལས་བཞེངས་ནས་འཁོར་ལ་འདི་སྐད་གསུངས་སོ།། སྙིང་པོའི་རང
iiif viewer powered by OpenSeadragon
