| e-texts navigator |
| Wylie |
145b1 རྩེ་ཡིན་པར་བཤད།། ལྟ་མཁན་རྣམས་ཀྱི་གཤེད་དུ་བཤད།། སྒོམ་མཁན་ཀུན་གྱི་གཉེན་པོར་བཤད།། སྤྱོད་མཁན་ཀུན་གྱི་བདུད་དུ་བཤད།། སྒྲུབ་མཁན་ཀུན་གྱི་ཕྱགས་མར་བཤད།། ཐེག་པའི་རྒྱལ་པོ་སྤྱི་ཏི
145b2 འདི།། བདེན་པ་གཉིས་སུ་བལྟ་བས་འདི་མི་མཐོང་།། ཡུལ་སེམས་གཉིས་ཀྱིས་བཅིངས་པས་འདི་མི་མཐོང་།། གཟུང་འཛིན་གཉིས་སུ་བལྟ་བས་འདི་མི་མཐོང་།། དག་པ་རྣམ་གསུམ་སྤྱོད་པས་འདི་མི
145b3 མཐོང་།། ལྟ་སྤྱོད་འབྲེལ་པ་མེད་པས་འདི་མི་མཐོང་།། སྐྱེ་འགག་གཉིས་སུ་བལྟ་བས་འདི་མི་མཐོང་།། ཐབས་དང་ཤེས་རབ་བལྟ་བས་འདི་མི་མཐོང་།། དབྱིངས་དང་ཡེ་ཤེས་བལྟ་བས་འདི་མི་མཐོང་།། ཐམས་ཅད
145b4 ཆོས་སྐུ་འདོད་པས་འདི་མི་མཐོང་།། རང་ལྟ་མཐོ་སར་ཞེན་པས་འདི་མི་མཐོང་།། གཞན་ལྟ་རྒྱབ་ཀྱིས་ཕྱོགས་པས་འདི་མི་མཐོང་།། གཟུང་འཛིན་གཉིས་ཀྱིས་བཅིངས་པའི་འདི་མི་མཐོང་།། དགག་སྒྲུབ་གཉིས་ཀྱིས
145b5 བཅིངས་པའི་འདི་མི་མཐོང་།། སྤང་ལེན་གཉིས་ཀྱིས་བཅིངས་པས་འདི་མི་མཐོང་།། ཤིན་ཏུ་རྣལ་འབྱོར་མིག་གིས་མཐོང་།། མཐོང་བའི་དུས་ན་ངོས་གཟུང་མེད།། མེད་པའི་དུས་ན་ཅིར་ཡང་སྣང་།། སྣང་བའི་དུས་ན
145b6 ངོ་ཤེས་པས།། ཐམས་ཅད་རང་སངས་རང་གྲོལ་གྱུར།། དེ་ལ་གནད་ཀྱི་མན་ངག་དགོས།། ཀུན་བཟང་ཉིད་དང་དབྱེར་མེད་གདམས་ངག་འདི།། རྡོ་རྗེ་སེམས་དཔས་ཡིད་ལ་ཟུང་།། ཡང་ཏི་ཡོ་གའི་གདམས་ངག
iiif viewer powered by OpenSeadragon
