| e-texts navigator |
| Wylie |
144a1 མེད།། མེད་པ་དེ་ལ་བརྟག་པ་མེད།། མེད་པ་དེ་ལ་དབྱེ་བ་མེད།། མེད་པ་དེ་ལ་གཉིས་སུ་མེད།། མེད་པ་དེ་ལ་འབད་པ་མེད།། མེད་པ་དེ་ལ་སྤང་ལེན་མེད།། མེད་པ་དེ་ལ་དགག་བསྒྲུབ་མེད།། མེད
144a2 པ་དེ་ལ་དབྱེ་བསལ་མེད།། མེད་པ་དེ་ལ་རྩིས་གདབ་མེད།། ཇི་ལྟར་སྣང་ཡང་མ་འགགས་པ།། འཛིན་པ་མེད་པས་མི་དམིགས་སོ།། ཡོད་པ་རྒྱ་ཆད་མེད་པ་ཡིན།། མེད་པ་ཕྱོགས་ལྷུང་མེད་པ་ཡིན།། ཞེས་གསུངས
144a3 སོ།། སྣང་སྲིད་ཁ་སྦྱོར་བདུད་རྩི་བཅུད་ཟིགས།། འཁོར་བ་ཐོག་མཐའ་གཅོད་པའི་རྒྱུད་ལས། དགོད་པ་ཐམས་ཅད་གཅིག་ཏུ་འབ་ཀྱིས་འདུས་པའི་ལེའུ་སྟེ་ང་བརྒྱད་པའོ།། ཐཝ་ཋ་ཨཿ།། དེ་ནས་རྡོ་རྗེ་སེམས
144a4 དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། སངས་རྒྱས་མཛུབ་བཙུགས་ཇི་ལྟར་ལགས།། ཞེས་གསོལ་པ་དང་། དེ་ནས་སྟོན་པས་འཁོར་ལ་འདི་སྐད་གསུངས།། སངས་རྒྱས་ཡེ་ནས་སེམས་ལ་གྲུབ།། གྲུབ
144a5 ཟིན་དོན་ལ་མ་ཡེངས་ན།། གཞན་ནས་སངས་རྒྱས་བཙལ་མི་དགོས།། ཆོས་རྣམས་ཐམས་ཅད་སེམས་ལ་འདུས།། སེམས་ལས་མ་བསམས་སངས་རྒྱས་ཡིན།། ཆོས་རྣམས་ཐམས་ཅད་སེམས་ལས་གྲུབ།། སེམས
144a6 ཉིད་འདུས་མ་བྱས་པ་སངས་རྒྱས་ཡིན།། ཆོས་རྣམས་ཐམས་ཅད་སེམས་ལ་འདུས།། སེམས་ཉིད་དབྱེར་མེད་སངས་རྒྱས་ཡིན།། ཆོས་རྣམས་ཐམས་ཅད་སེམས་ལ་འདུས།། སེམས་ཉིད་གཡོ་མེད་སངས་རྒྱས
iiif viewer powered by OpenSeadragon
