| e-texts navigator |
| Wylie |
143b1 པ།། གཟུང་འཛིན་མེད་པར་འུབ་ཀྱིས་འདུས།། བཀའ་བརྒྱུད་རྣམས་ཀྱི་དགོངས་འདུས་པ།། རྒྱུད་སེམས་གཉིས་སུ་མེད་པ་ཡི།། ཆོས་དང་སེམས་འདྲེས་ངང་དུ་འདུས།། ཆོས་སྤྱོད་རྣམས་ཀྱི་དགོངས་འདུས་པ།། ཆོས
143b2 ཉིད་ཀློང་ནས་སྙིང་རྗེར་ལྡན།། འབད་རྩོལ་བྱར་མེད་ངང་དུ་འདུས།། ལྟ་བ་རྣམས་ཀྱི་དགོངས་འདུས་པ།། ཞེ་འདོད་མེད་པར་འུབ་ཀྱིས་འདུས།། སྒོམ་པ་རྣམས་ཀྱི་དགོངས་འདུས་པ།། ཞེན་མེད་གཡོ་མེད་ངང་དུ
143b3 འདུས།། སྤྱོད་པ་རྣམས་ཀྱི་དགོངས་འདུས་པ།། ཆགས་མེད་ངེས་མེད་བྱར་མེད་ངང་དུ་འདུས།། འབྲས་བུ་རྣམས་ཀྱི་དགོངས་འདུས་པ།། རེ་མེད་དོགས་མེད་ཡིད་སྨོན་མེད་པའི་ངང་དུ་འདུས།། དགོངས་པ་ཐམས
143b4 ཅད་གཅིག་ཏུ་འདུས།། གཅིག་པོ་སེམས་ཉིད་ངང་དུ་འདུས།། སེམས་ཉིད་དངོས་པོ་མེད་པར་འདུས།། དངོས་མེད་དམིགས་མེད་ངང་དུ་འདུས།། སྨྲ་བསམ་བརྗོད་འདས་ངང་དུ་འདུས།། སྐྱེ་མེད་ངང་དུ་འུབ་ཀྱིས
143b5 འདུས།། བརྗོད་མེད་ངང་དུ་ནུབ་ཀྱིས་འདུས།། འགྱུར་མེད་ངང་དུ་ཡོད་ཚད་ཐིམ།། ཐིམ་པ་གང་ཡིན་ཆོས་སྐུ་ཡིན།། ཆོས་སྐུ་རང་ཡང་མཚན་ལས་འདས།། འདས་པའི་དོན་ལ་སྨྲ་རྒྱུ་མེད།། འདས་པའི་དོན་ལ་མིང
143b6 འདོགས་མེད།། འདས་པའི་དོན་ལ་འདོད་རྒྱུ་མེད།། འདོད་བྱ་གང་ཡང་མ་འགགས་ལ།། འདོད་རྒྱུ་ཅི་ཡང་མི་དམིགས་སོ།། ཇི་ལྟར་སྣང་ཡང་འདོད་ཞེན་མེད།། ཡང་དག་དོན་ལ་ཡི་གེ་མེད།། མེད་པ་དེ་ལ་མཚོན་པ
iiif viewer powered by OpenSeadragon
