| e-texts navigator |
| Wylie |
143a1 ལ་འདི་སྐད་ཞུས།། བཞག་པ་རྣམ་དྲུག་ཇི་ལྟར་ལགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། གནས་ལུགས་རང་གནས་ཉིད་དུ་བཞག། སྣང་བ་རང་སོ་ཉིད་དུ་བཞག། སྣང་སེམས
143a2 དབྱེར་མེད་ཉིད་དུ་བཞག། སྒོ་ལྔ་འཁྲུལ་སྣང་ཡིན་པར་བཞག། ཡིད་གཉིས་འཛིན་པ་མེད་པར་བཞག། སྤྲོས་ཆོད་རྩིས་གདབ་མེད་པར་བཞག། ཅེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར
143a3 བ་ཐོག་མཐའ་གཅོད་པའི་རྒྱུད་ལས། བཞག་པ་རྣམ་པ་དྲག་བསྟན་པའི་ལེའུ་སྟེང་བདུན་པའོ།། \ུ0f7fཐམྲ་ཝཝ།། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། བདེ་གཤེགས་བཀའ་ཡི
143a4 དགོངས་འདུས་ཇི་ལྟར་ལགས།། ཞེས་ཞུས་པ་དང་། དེ་ནས་སྟོན་པས་འཁོར་ལ་འདི་སྐད་གསུངས། ཐེག་པ་བརྒྱད་ཁྲི་བཞི་སྟོང་དགོངས་པ་གཅིག་ཏུ་འདུས།། རྡོ་རྗེ་སེམས་དཔས་གོ་བར་ཟུང་།། དུས་གསུམ་རྒྱལ
143a5 པབའི་དགོངས་འདུས་པ།། བརྗོད་མེད་དང་དུ་འུབ་ཀྱིས་འདུས།། སངས་རྒྱས་རྣམས་ཀྱི་དགོངས་འདུས་པ།། སྐྱེ་བ་མེད་པར་འུབ་ཀྱིས་འདུས།། ཆོས་ཉིད་དོན་གྱི་དགོངས་འདུས་པ།། འགྱུར་བ་མེད་པར་འུབ་ཀྱིས
143a6 འདུས།། དམ་ཆོས་རྣམས་ཀྱི་དགོངས་འདུས་པ།། ཆགས་འཛིན་མེད་པར་འུབ་ཀྱིས་འདུས།། མན་ངག་རྣམས་ཀྱི་དགོངས་འདུས་པ།། ཞེན་འཛིན་མེད་པར་འུབ་ཀྱིས་འདུས།། རྣལ་འབྱོར་རྣམས་ཀྱི་དགོངས་འདུས
iiif viewer powered by OpenSeadragon
