| e-texts navigator |
| Wylie |
142b1 ལས། ཆོས་སྐུ་གཅེར་མཐོང་མཛུབ་ཚུགས་བསྟན་པའི་ལེའུ་སྟེ་ང་ལྔ་པའོ།། \ུ0f7f་མ།། ། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། གདེང་ཟིན་རྣམ་དགུ་ཇི་ལྟར་ལགས།།
142b2 འོག་ལ་བཅུ་བཞི་དང་། ལེའུར་བཅོ་ལྔ་བྱུང་།། ཞེས་ཞུས་པ་དང་། སྟོན་པས་འཁོར་ལ་བཀའ་གླལ་པ།། ལྟ་བ་ཚིག་ལས་འདས་པས་གསལ་གདངས་གདེང་གྱིས་ཟིན།། བསྒོམ་པ་བསམ་ལས་འདས་པས་འགྱུར་མེད
142b3 གདེང་གྱིས་ཟིན།། བྱར་མེད་རྩོལ་བསྒྲུབ་འདས་པས་བྱར་མེད་གདེང་གིས་ཟིན།། རྟོགས་པའི་དོན་ལས་མི་འདའ་དམ་ཚིག་གདེང་གིས་ཟིན།། བཙལ་དུ་ཡེ་མེད་ཕྲིན་ལས་གདེང་གིས་ཟིན།། སྤྱད་དུ་ཡེ་མེད་པ་ཡི
142b4 གདེང་གིས་ཟིན།། བགྲོད་དུ་ཡེ་མེད་ལམ་གྱི་གདེང་གིས་ཟིན།། བསྒྲུབ་ཏུ་ཡེ་མེད་བསྒྲུབ་མེད་གདེང་གིས་ཟིན།། བཟུང་དུ་ཡེ་མེད་མན་ངག་གདེང་གིས་ཟིན།། དབྱེ་བ་མེད་པས་ཤེས་རབ་གདེང་གིས་ཟིན།། ཐོབ་ཏུ
142b5 མེད་པས་འབྲས་བུའི་གདེང་གིས་ཟིན།། འཛིན་པ་མེད་པས་ཐེག་པས་གདེང་གིས་ཟིན།། རང་བཞིན་བཞག་པས་ཏིང་འཛིན་གདེང་གིས་ཟིན།། གཞན་ལ་མི་སྨོན་སྤྱི་ཏིའི་གདེང་གིས་ཟིན།། ཞེས་གསུངས་སོ།། སྣང
142b6 སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། གདེང་ཟིན་བཅུ་བཞི་བསྟན་པའི་ལེའུ་སྟེ་ང་དྲུག་པའོ།། \ུ0f7f་ཨཱཋ་ཨརྠ་མཿ།། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད
iiif viewer powered by OpenSeadragon
