| e-texts navigator |
| Wylie |
13b1 ཕྱིར།། སྣང་བ་བློ་ཡིས་བརྟགས་ལས་ཡོད་མིན་ཏེ།། ཡོད་ན་འགྲོ་དྲུག་ཀུན་ལ་མཐུན་སྣང་རིགས།། དེ་ཡང་འདུས་པའི་སེམས་དཔའ་ཡིད་ཀྱིས་ཉོན།། གདོད་མ་རང་འཁྲུལ་ཀུན་གཞི་རྣམ་གསུམ་གྱིས།། རང་སེམས
13b2 མཐོང་སྣང་སོ་སོ་སྣ་ཚོགས་པས།། དེ་ཕྱིར་བག་ཆགས་སེམས་ནི་སོ་སོར་སྣང་།། ངོ་བོ་ཉིད་ཀྱི་སྐུ་ལ་འགྱུར་མེད་ཕྱིར།། བློ་ཡིས་བཏགས་པ་གཅིག་ཡུལ་གཅིག་མིན་པས།། རང་སེམས་འཁྲུལ་པར་སྣང་བར་ཐེ་ཚོམ
13b3 མེད།། དེ་ཕྱིར་དབང་པོ་ཡུལ་རྣམས་གཞི་ལ་མེད།། འཁྲུལ་པའི་རྟོགས་སེམས་འགྲོ་བ་སོ་སོའི་སེམས།། གཅིག་ན་དགེ་སྡིག་རྣམ་སྨིན་འབྲས་བུ་ཡང་།། མ་སྤྱད་སེམས་ཅན་ཀུན་གྱི་མྱོང་བར་རིགས།། ལས་ཀྱི་རྣམ
13b4 སྨིན་ཐུན་མོང་མ་གྲུབ་ཕྱིར།། བག་ཆགས་བརྟས་པས་འཁྲུལ་པའི་སྡུག་བསྔལ་ཡིན།། དེ་ཡང་རྡོ་རྗེ་སེམས་དཔའ་ཆེན་པོ་ཉོན།། གཞི་དང་སྣང་བ་འབྲེལ་མེད་ཡིན་པའི་ཕྱིར།། ཡུལ་ནི་འཁྲུལ་པའི་བག་ཆགས་བརྟས
13b5 པའི་ཕྱིར།། ངེས་མེད་བློ་ཡི་སྤྱོད་ཡུལ་སྣ་ཚོགས་པ།། མ་རིག་མེད་ན་གནོད་མི་ནུས་པར་གསུངས།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས། སྣང་བ་ངེས་མེད་དོན་དང་མི་འགལ་བར
13b6 བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་ཀུན་རིག་ཆོས་རྗེས་བཀའ་སྩལ་པ།། མ་བསྒོམས་ཤེས་པ་རང་ཡན་བཞག་གྱུར་ཀྱང་།། ཕྱི་རོལ་ཡུལ་གྱི་རྣམ་པ་གང་ལ་ཡང་།། འཁྲུལ་པ་ཡིན་པར་ཤེས་ཕྱིར
iiif viewer powered by OpenSeadragon
