| e-texts navigator |
| Wylie |
139b1 པའོ།། ཀུན་དང་མཐུན་ལ་ཀུན་ལ་ཁྱབ་པས་ཁྱད་པར་འཕགས།། ཅི་ཡང་མ་ཡིན་བྱང་ཆུབ་སེམས།། གཞི་ནི་མ་བཅོས་ལྷུན་གྱིས་གྲུབ།། ཐ་མལ་རང་ལུགས་རང་དངས་པས།། སྙིང་པོ་ལྷུན་གྲུབ་ཆོས་སྐུར་གནས
139b2 པའོ།། ཅི་ཡང་མེད་ལ་ཅི་ཡང་བྱུང་།། བྱུང་ཡང་སེམས་ལས་བྱུང་ལ་སེམས་ལ་རྫོགས།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། སྣ་ཚོགས་སེམས་ལ
139b3 བཀོད་ནས་སྠི་ཏི་རྫོགས་ལུགས་ཡོངས་སུ་བཀོད་པའི་ལེའུ་སྟེ་ཞེ་བརྒྱད་པའོ།། \ུ0f7fགྷུཿ་ཨཱལླ་ཨཿ།། དེ་ནས་རྡོ་རྗེ་སེམས་དཔའ་ཡིས།། སྟོན་པ་ཀུན་ཏུ་བཟང་པོ་ལ།། སྠི་ཏིའི་རང་བཞིན་ཅི་ལྟར་ལགས།། ཞེས
139b4 ཞུས་པ་དང་། དེ་ནས་ཀུན་ཏུ་བཟང་པོས། འོད་རྩིས་གདབ་མེད་པའི་ཏིང་ངེ་འཛིན་ལ་བཞུགས་སོ།། དེ་ལས་བཞེངས་ནས་འཁོར་རྣམས་ལ་འདི་སྐད་གསུངས་སོ། \ུ0f7f་མ6། ཨ་ཟ་པ་ཏ་རི། ཀང
139b5 ཀ། ཀ་ཡ་སིདྡྷི་ཨཱ། ང་ཡི་སྠི་ཏི་ཡོ་ག་འདི།། དཔེ་དོན་རྟགས་དང་རྣམ་པ་གསུམ།། དཔེ་ནི་ནམ་མཁའ་དང་འདྲ་སྟེ།། ཆོས་ཉིད་ཐོགས་མེད་གསལ་བའི་ནམ་མཁའ་ལ།། དངོས་པོ་ཡེ་ནས་མེད་པ་ལ།། དངོས་མེད
139b6 ཉིད་རང་སྣ་ཚོགས་པའོ།། བརྗོད་གཞིའི་སྒོ་ནས་སྣ་ཚོགས་མཚོན།། དེ་བཞིན་ཆོས་ཉིད་ནམ་མཁའ་ལ།། བསྟོད་ར་བཏང་བས་བཟང་མི་འགྱུར།། སྨད་ར་བཏང་བས་ངན་མི་འགྱུར།། བསྟོད་ར་སྨད་ར་གཉིས་ལས
iiif viewer powered by OpenSeadragon
