| e-texts navigator |
| Wylie |
138a1 གི་ལྟར་ནི་རང་མཆོད་པས།། མཆོད་པ་མ་ལུས་འདི་ལ་རྫོགས།། བྱར་མེད་བཙལ་མེད་དགག་བསྒྲུབ་མེད།། ཕྲིན་ལས་མ་ལུས་འདི་ལ་རྫོགས།། བགྲོད་མེད་སྦྱང་མེད་སྙིང་པོའི་ཀློང་།། ས་ལམ་མ་ལུས
138a2 འདི་ལ་རྫོགས།། ཡེ་ནས་ཡིན་པས་དོན་རྟོགས་ན།། ཐམས་ཅད་མ་ལུས་འདི་ལ་རྫོགས།། རྒྱུ་ལ་མ་བརྟེན་འབྲས་བུའི་མཆོག། ཚོགས་ལམ་བགྲོད་དུ་མེད་པར་རྫོགས།། ཚིག་གསུམ་ངོ་ཆད།། བསྒོམ་ལམ་བགྲོད
138a3 དུ་མེད་པར་རྫོགས།། འདི་ཞེས་བྱ་བའི་མཐའ་ལས་འདས།། མཐོང་ལམ་བགྲོད་དུ་མེད་པར་རྫོགས།། དབུས་མཐའ་གཉིས་མེད་དེ་བཞིན་ཉིད།། མཐར་ཕྱིན་བགྲོད་དུ་མེད་པར་རྫོགས།། བགྲོད་དུ་མེད་པའི་ལམ་ལྔ
138a4 རྫོགས།། བླ་མེད་སྤྱི་ཏི་འདི་ཉིད་ནི།། ཤེས་པ་མེད་པས་ཤེས་རབ་མཆོག། སྙིང་རྗེ་མེད་པའི་ལམ་ལས་འདས།། གང་ཡང་མ་བཙལ་ལྷུན་གྲུབ་པས།། ས་བཅུ་ཐེག་པ་རིམ་དགུ་རྫོགས།། བླ་མེད་རྫོགས་ཆེན་འདི་ཉིད
138a5 ནི།། འཛིན་ཅིང་ཆགས་པ་མི་འབྱུང་བས།། སྦྱིན་པའི་ཕ་རོལ་ཕྱིན་པ་རྫོགས།། འདི་ལ་ཀུན་འབྱུང་སྡུག་བསྔལ་མེད།། ཚུལ་ཁྲིམས་ཕ་རོལ་ཕྱིན་པ་རྫོགས།། འདི་ལ་བདེ་སྡུག་བྱུང་ཚོར་མེད།། བཟོད་པའི་ཕ་རོལ་ཕྱིན
138a6 པ་རྫོགས།། འདི་ལ་ལེ་ལོ་བཏང་སྙོམས་མེད།། བརྩོན་འགྲུས་ཕ་རོལ་ཕྱིན་པ་རྫོགས།། འདི་ལ་འགྱུར་ཞིང་ལྡོག་ཏུ་མེད།། བསམ་གཏན་ཕ་རོལ་ཕྱིན་པ་རྫོགས།། འདི་ལ་ལྟུང་བའི་གཡང་ས་མེད།། སྟོབས་ཀྱི་ཕ་རོལ
iiif viewer powered by OpenSeadragon
