| e-texts navigator |
| Wylie |
137b1 རིགས་གསུམ་དབྱེར་མེད་པས།། ཀྲི་ཡའི་ལྟ་བ་འདི་ལ་རྫོགས།། ལྟ་སྤྱོད་ཡ་འགལ་མ་གྱུར་པས།། ཨུ་པ་ཡ་ཡི་ལྟ་བ་རྫོགས།། ཀུན་རྫོབ་ལྷ་ཡི་དཀྱིལ་འཁོར་དང་།། རྣམ་ཤེས་ལྔ་ལ་ལྷར་འདོད་ཀྱང་།། དོན་གྱི་སྐྱེ
137b2 འགག་གཉིས་མེད་པས།། དེ་ཕྱིར་ཡོ་གའི་ལྟ་བ་རྫོགས།། ཐབས་དང་ཤེས་རབ་གཉིས་མེད་པས།། མ་ཧཱ་ཡོ་གའི་ལྟ་བ་རྫོགས།། དབྱིངས་དང་ཡེ་ཤེས་གཉིས་མེད་པས།། ཨ་ནུ་ཡོ་གའི་ལྟ་བ་རྫོགས།། ཐམས་ཅད་མ
137b3 འགགས་རོལ་པའི་རྒྱུན།། རྫོགས་ཆེན་ལྟ་བ་འདི་ལ་རྫོགས།། ང་ཡིས་སྤྱི་ཏི་ཡོ་ག་ལ།། སྤྲོས་དང་བྲལ་བའི་སྒོར་ཞུགས་པས།། འཇུག་སྒོ་མཐའ་དག་འདི་ལ་རྫོགས།། དོན་ལས་མི་འདའི་དོན་བསྲུངས་པས།། དམ
137b4 ཚིག་མཐའ་དག་འདི་ལ་རྫོགས།། དུག་ལྔ་རང་རྒྱུད་ངན་ཐུལ་བས།། འདུལ་ཁྲིམས་མཐའ་དག་འདི་ལ་རྫོགས།། བྱར་མེད་སྤྲོས་བྲལ་ཆོས་ཉིད་ངང་ལ་རྫོགས།། སྤྱོད་པའི་བྱ་བཙལ་མཐའ་དག་རྫོགས།། སྙིང་པོའི་དོན
137b5 ལ་འདུ་འཕྲོ་མེད།། འཕྲོ་འདུ་མ་ལུས་དེ་ལ་རྫོགས།། སྐྱེ་མེད་ངང་ལ་བསྐྱེད་དུ་མེད།། བསྐྱེད་རིམ་མ་ལུས་འདི་ལ་རྫོགས།། སྙིང་པོ་དོན་གྱི་ལྷ་ཚོགས་ཉིད།། ལྷ་ཚོགས་མ་ལུས་འདི་ལ་རྫོགས།། བསྐྱེད་མེད་འགྱུར
137b6 མེད་ཡི་དམ་ལྷ།། ཡི་དམ་ལྷ་ཚོགས་འདི་ལ་རྫོགས།། མི་འགྱུར་གད་ལ་ཁྱབ་མ་འདྲེས་གསལ།། དཀྱིལ་འཁོར་མ་ལུས་འདི་ལ་རྫོགས།། ཕྱི་ནང་དབྱེ་བསལ་མེད་གཏོར་ལ།། གཏོར་མ་མ་ལུས་འདི་ལ་རྫོགས།། རང
iiif viewer powered by OpenSeadragon
