| e-texts navigator |
| Wylie |
137a1 ཡོངས་ལས་འདས་པས་གཏིང་གསལ་ཆེན་པོ་ཡིན།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཟིགས། འཁོར་བ་ཐོག་མཐའ་གཅོད་པའི་རྒྱུད་ལས། ཆོས་ཉིད་གཏིང་གསལ་ཆེན་པོར
137a2 བསྟན་པའི་ལེའུ་སྟེ་ཞེ་བདུན་པའོ།། \ུ0f7f་#།། ཨ་ཐ་བཛྲ་པ་ཏ་ལི།། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། སྠི་ཏིའི་འདོད་གཞུང་དེ་ལྟར་ན།། ཐེག་པ་གཞན
137a3 དང་མི་འགལ་བའི།། མ་འདྲེས་ཡོངས་རྫོགས་ཇི་ལྟར་ལགས།། ཞེས་གསོལ་པ་དང་།། སེམས་ཉིད་སྟོན་པ་ཀུན་བཟང་དེ།། རིན་པོ་ཆེ་འོད་སྣ་ཚོགས་ཀུན་ཏུ་གསལ་བའི་ཏིང་ངེ་འཛིན་ལ་བཞུགས་སོ།། ཏིང་ངེ་འཛིན
137a4 དེ་ལས་བཞེངས་ནས།། འཁོར་རྣམས་ལ་འདི་སྐད་ཅེས་བཀའ་སྩལ་ཏོ།། ང་ཡི་སྠི་ཏི་ཡོ་ག་འདིར།། ཐེག་པ་མཐའ་དག་འདི་ལ་རྫོགས།། སྙིང་པོ་ཆོས་སྐུའི་རང་བཞིན་ནི།། དུས་གསུམ་འཕོ་འགྱུར་མེད་པར
137a5 གནས།། མུ་སྟེགས་རྟག་ལྟ་འདི་ལ་རྫོགས།། དངོས་མེད་དམིགས་པའི་ཡུལ་ལས་འདས།། མུ་སྟེགས་ཆད་ལྟ་འདི་ལ་རྫོགས།། ཕྲ་རབ་རྡུལ་དུ་མ་གྲུབ་པ།། ཉན་ཐོས་ལྟ་བ་འདི་ལ་རྫོགས།། རྟེན་འབྲེལ་རྣམ་པར་རིག
137a6 བྱེད་པ།། རང་རྒྱལ་ལྟ་བ་འདི་ལ་རྫོགས།། ཡུལ་སེམས་གཉིས་མེད་གཟུང་འཛིན་བྲལ།། སེམས་ཙམ་ལྟ་བ་འདི་ལ་རྫོགས།། མཐའ་བཞི་བྲལ་བས་བདེན་གཉིས་ཆོམ།། དབུ་མའི་ལྟ་བ་འདི་ལ་རྫོགས།། དག་གསུམ
iiif viewer powered by OpenSeadragon
