| e-texts navigator |
| Wylie |
134a1 གདངས་ཆེན་པོ་ཇི་ལྟར་ལགས།། ཞེས་གསོལ་པ་དང་། སེམས་ཉིད་སྟོན་པ་ཀུན་བཟང་དེ།། རིན་པོ་ཆེ་འོད་འབར་བའི་ཏིང་ངེ་འཛིན་ལ་བཞུགས་སོ།། དེ་ནས་བཞེངས་ནས་འདི་སྐད་གསུངས།། སྙིང
134a2 པོའི་རང་བཞིན་སྐྱེ་མེད་འགྱུར་མེད་ལ།། སྐུ་གསུམ་ཡིད་ལ་མ་བྱས་རང་གསལ་ཆེན་པོ་ཡིན།། སྐུ་ལྔ་ཡིད་ལ་མ་བྱས་རང་གསལ་ཆེན་པོ་ཡིན།། སྣང་བ་ཡིད་ལ་མ་བྱས་རང་དངས་ཆེན་པོ་ཡིན།། སྟོང་པ་ཡིད་ལ་མ
134a3 བྱས་རང་གདངས་ཆེན་པོ་ཡིན།། སྐྱེ་མེད་ཡིད་ལ་མ་བྱས་གསལ་དངས་ཆེན་པོ་ཡིན།། ཆོས་སྐུ་ཡིད་ལ་མ་བྱས་གསལ་དངས་ཆེན་པོ་ཡིན།། ལོངས་སྐུ་ཡིད་ལ་མ་བྱས་གསལ་དངས་ཆེན་པོ་ཡིན།། སྦྲུལ་སྐུ་ཡིད་ལ་མ
134a4 བྱས་གསལ་དང་ས་ཆེན་པོ་ཡིན།། དབྱེར་མེད་ཡིད་ལ་མ་བྱས་གསལ་དང་ས་ཆེན་པོ་ཡིན།། མ་རིག་བློ་ཡིས་མ་སྤངས་གསལ་དང་ས་ཆེན་པོ་ཡིན།། འགྱུར་བ་མེད་དེ་གསལ་དང་ས་ཆེན་པོ་ཡིན།། སྐྱེ་ཤི་མེད་དེ་གསལ
134a5 དངས་ཆེན་པོ་ཡིན།། རྒྱུ་ཡི་མ་བསྐྱེད་གསལ་དངས་ཆེན་པོ་ཡིན།། རྐྱེན་གྱིས་མི་འཇིག་གསལ་དང་ས་ཆེན་པོ་ཡིན།། ངོ་བོ་མི་འགྱུར་གསལ་དང་ས་ཆེན་པོ་ཡིན།། ཡུལ་ལ་དགག་བསྒྲུབ་མེད་དེ་གསལ་དངས་ཆེན་པོ
134a6 ཡིན།། སེམས་ལ་དངོས་པོ་མེད་དེ་གསལ་དངས་ཆེན་པོ་ཡིན།། ཡུལ་སེམས་དབྱེ་བསལ་མེད་དེ་གསལ་དངས་ཆེན་པོ་ཡིན།། ཡིད་ལ་མ་བསམ་གསལ་དངས་ཆེན་པོ་ཡིན།། སེམས་ཀྱིས་མ་ཕྱེད་གསལ་དངས་ཆེན
iiif viewer powered by OpenSeadragon
