| e-texts navigator |
| Wylie |
133a1 བྱུང་།། བྱུང་ཡང་གཞི་ལས་གཡོས་པ་མེད།། སྣང་ཚུལ་ཟེར་གྱིས་ཤེས་པ་དེ་ལ་ཐིམ།། སྒྲ་བརྗོད་རྟོག་ཚོགས་ཐམས་ཅད་དེ་རུ་ཐིམ།། བརྟག་སྣང་བློ་ཡུལ་ཐམས་ཅད་གཞི་ལ་ཐིམ།། གཟུང་འཛིན
133a2 དགག་བསྒྲུབ་ཐམས་ཅད་དབྱིངས་སུ་ཐིམ།། སེམས་ཀྱི་དྲན་རིགས་ཐམས་ཅད་ཀློང་དུ་ཐིམ།། ཡིད་དཔྱོད་རྟོགས་སྣང་སྣ་ཚོགས་ཐམས་ཅད་དབྱིངས་སུ་ཐིམ།། ཡན་ལག་བུ་ཡི་མཚན་ཉིད་མ་ལ་ཐིམ།། ཟེར་གྱི་སྣང
133a3 ཚུལ་སྙིང་པོའི་ཀློང་དུ་ཐིམ།། ཡིད་ཀྱི་དྲན་སེམས་རིལ་པོ་དབྱིངས་སུ་ཐིམ།། མིང་ཚིག་བརྟགས་སྣང་བརྗོད་ཚད་ཆོས་དབྱིངས་ཀློང་དུ་ཐིམ།། དགག་བསྒྲུབ་སྤང་ལེན་ཆོས་ཉིད་དབྱིངས་སུ་ཐིམ།། གཉིས་འཛིན་ཆགས
133a4 ཞེན་ཐམས་ཅད་གཞི་མོའི་ཀློང་དུ་ཐིམ།། དྲན་ཚད་ཕྱེད་ཚད་བརྗོད་ཚད་བརྗོད་མེད་ཀློང་དུ་ཐིམ།། གཞི་ལ་རྩལ་སྣང་དབྱེར་མི་ཕྱེད།། སྙིང་པོ་ཡན་ལག་ཐིམ་པས་དབྱེར་མི་ཕྱེད།། མ་ལ་བུ་ཐིམ་དབྱེར་མི་ཕྱེད།། ཡིད
133a5 རིག་དྲན་རིག་དབྱེར་མི་ཕྱེད།། སེམས་རིག་རྩལ་སྣང་ཐིམ་པས་དབྱེར་མི་ཕྱེད།། དྲན་ཚད་བརྗོད་ཚད་ཐིམ་པས་དབྱེར་མི་ཕྱེད།། གཉིས་འཛིན་ཆགས་ཞེ་ན་མཐའ་དག་ཐིམ་པས་དབྱེར་མི་ཕྱེད།། བསམ་ཚད་རྟགས
133a6 སྣང་བློ་ཡུལ་མཐའ་དག་ཐིམ་པས་དབྱེར་མི་ཕྱེད།། དཔེར་ན་ཅི་དང་འདྲ་ཤེས་ན།། དྭ་ཕྲུག་མ་དང་འཕྲད་པ་འདྲ།། ལན་ཚྭ་ཆུ་ལ་ཐིམ་པ་འདྲ།། ཆུ་ལ་ཆུ་བུར་ཐིམ་པ་འདྲ།། ཡུལ་ཆུ་རྒྱ་མཚོར་སླེབ་པ་འདྲ།། འཁྱགས
iiif viewer powered by OpenSeadragon
