| e-texts navigator |
| Wylie |
132b1 དེ་ནས་སེམས་ཉིད་ཀུན་བཟང་དེས། རིན་པོའི་ཆེ་འོད་རང་ལ་ཐིམ་པའི་ཏིང་ངེ་འཛིན་ལ་བཞུགས་སོ།། དེ་ནས་བཞེངས་ནས་འཁོར་རྣམས་ལ།། སྟོན་པའི་རྒྱལ་པོས་འདི་སྐད་གསུངས།། ང་ཡི་སྤྱི་ཏི་ཡོ་ག
132b2 ལ།། འབྲས་བུ་ཐོབ་དང་མི་ཐོབ་མི་མངའ་ཡང་།། སྙིང་པོ་རང་བཞིན་གཡོས་པ་མེད་ན་ཡང་།། བདུད་རྩི་བཅུད་ཐིགས་འབྲས་བུ་བཤད།། རྡོ་རྗེ་སེམས་དཔས་གོ་བར་ཟུང་།། ཀུན་གཞི་མཛོད་ཆེན་ཆོས་སྐུའི་ཀློང
132b3 ཡངས་དེ།། རྒྱུ་ཡིས་མ་བསྐྱེད་རྐྱེན་གྱིས་མི་འཇིག་པ།། ངོ་བོ་མི་འགྱུར་རང་བཞིན་མ་བཅོས་པ།། མིང་མེད་བརྟགས་མེད་བརྗོད་པའི་གཞི་ཡང་མེད།། སྒྲར་མེད་བརྗོད་མེད་མཚོན་པའི་དངོས་གཞི་མེད།། སངས་མེད
132b4 རྒྱས་མེད་སྐུ་ཡི་དངོས་གཞི་མེད།། མཐའ་མེད་དབུས་མེད་ཕྱོགས་མཚམས་ཡོངས་དང་བྲལ།། བདེ་མེད་སྡུག་མེད་སྡུག་བསྔལ་ཡོངས་སུ་བྲལ།། དེ་ལྟ་བུ་ཡི་རང་བཞིན་དེ།། ཆོས་ཉིད་གཞི་ཡི་རང་བཞིན་ཡིན།། སྣང
132b5 ཚུལ་ཟེར་གྱི་མཚན་ཉིད་ཀྱང་།། མེད་ལ་ཡོད་པའི་ངོ་བོ་བྱུང་།། མིན་པའི་དོན་ལ་ཡིན་པར་བཟུང་།། མེད་པའི་ཆོས་ལ་ཡོད་པར་བཟུང་།། མི་རྟག་པ་ལ་རྟག་པར་བཟུང་།། གཉིས་མེད་དོན་ལ་གཉིས་སུ
132b6 བཟུང་།། སྡུག་བསྔལ་རྣམས་ལ་བདེ་བར་བཟུང་།། ཕྱོགས་རིས་མེད་ལ་དགྲ་གཉེན་བཟུང་།། དེ་སོགས་མེད་ལ་ཡོད་བཟུང་གིས།། རྨི་ལམ་ཚུལ་དུ་སྡུག་བསྔལ་མྱོང་།། རིགས་དྲུག་ཁམས་གསུམ་འཁོར་བ་དེ་ལས
iiif viewer powered by OpenSeadragon
