| e-texts navigator |
| Wylie |
132a1 ཆོད་པ་ནི།། ལུས་ནི་འགྱུར་མེད་རྡོ་རྗེའི་སྐུ།། སྐྱེ་རྒས་ན་འཆིའི་སྡུག་བསྔལ་སྤངས།། ཡེ་ཤེས་ཆེན་པོའི་སྤྱན་གྱིས་ནི།། མ་རིག་པ་ཡི་མུན་པ་སངས།། རྣ་བ་ཐོགས་མེད་ཡེ་ཤེས་ཟང་ཐལ་གྱིས།། བརྗོད
132a2 པའི་རྣམ་རྟོག་མཐའ་དག་སངས།། སྣ་ནི་འགག་མེད་ཡེ་ཤེས་ཀྱིས།། གཟུང་འཛིན་དྲི་མ་ཐམས་ཅད་སངས།། ལྕེ་ནི་འགྱུར་མེད་ཡེ་ཤེས་ཀྱིས།། བདེན་པ་གཉིས་འཛིན་རོ་རྣམས་སངས།། ཡིད་ཀྱི་དབང་པོ་ཐོགས
132a3 མེད་ཀྱིས།། སྣང་སྲིད་སྐྱེ་མེད་དབྱིངས་སུ་སངས།། ཕྱག་གཉིས་ལུང་རིག་གཉིས་པོ་ཡིས།། ཆོས་རྣམས་ཐིག་ལེ་ཆེན་པོར་རྒྱས།། ཞབས་གཉིས་ཐབས་དང་ཤེས་རབ་ཀྱིས།། གཉིས་འཛིན་ཆགས་པ་མེད་པར
132a4 སངས།། ཐམས་ཅད་སྤྲོས་གཅོད་ཆོས་སྐུའི་ཀློང་དུ་རྒྱས།། ཕྱོགས་རིས་མཐའ་དག་གཉིས་མེད་པས།། འགྱུར་མེད་བདེ་ཆེན་ཀློང་དུ་རྒྱས།། མི་གསལ་མ་རིག་མུན་ནག་སངས།། གསལ་གདངས་ཡེ་ཤེས་ཆེན་པོར
132a5 རྒྱས།། སྡུག་བསྔལ་ངར་འཛིན་ཉོན་མོངས་རྒྱས།། བདེ་ཆེན་འཛིན་མེད་ཡེ་ཤེས་ཟང་ཐལ་རྒྱས།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། རིན་པོ་ཆེ
132a6 སྤྲོས་པ་གཅོད་པ་རྩ་བའི་རྒྱུད་ལེའུ་སྟེ་ཞེ་གཉིས་པའོ།། 62་ཨཛཿན་མྲ་ཧྲ་མཱཿ།། དེ་ནས་རྡོ་རྗེ་སེམས་དཔའ་ཡིས།། སྟོན་པ་སེམས་ཉིད་ཀུན་བཟང་ལ།། འབྲས་བུ་ཐོབ་ལུགས་ཇི་ལྟར་ལགས།། ཞེས་གསོལ་པ་དང་།
iiif viewer powered by OpenSeadragon
