| e-texts navigator |
| Wylie |
130a1 ཅན་ཏེ།། རྩི་ནི་མྱང་འདས་སངས་རྒྱས་སོ།། བཅུད་ནི་སྙིང་པོ་མ་ཡི་བཅུད།། ཐིགས་ནི་ཡན་ལག་བུ་ཡི་ཐིགས།། བཅུད་ནི་སྙིང་པོ་འགྱུར་མེད་བཅུད།། ཐིགས་ནི་སྐྱེ་མེད་བྱང་ཆུབ་སེམས།། བཅུད་ནི
130a2 སྙིང་པོ་ཆོས་ཉིད་ཀློང་།། ཐིགས་ནི་སྙིང་པོའི་ཀློང་དུ་ཐིགས།། བཅུད་ནི་རྩལ་སྣང་མ་འགག་ལ།། ཐིགས་ནི་སྙིང་པོ་མི་དམིགས་པའོ།། འཁོར་བ་ཆགས་སྡང་སྡུག་བསྔལ་ཡིན།། འཁོར་བ་མུན་པ་མི་གསལ
130a3 ཡིན།། འཁོར་བ་མི་ཐར་འདམ་རྫབ་ཡིན།། འཁོར་བ་སྡུག་བསྔལ་བརྒྱད་ཁྲི་བཞི་སྟོང་ངོ་།། དེ་ལ་ཐོག་མཐའ་བཅད་ཐབས་དགོས།། ཐོག་མ་འགྱུར་མེད་ཀུན་ཁྱབ་ཡིན།། ཐ་མ་འགྱུར་བའི་ཆོས་ཅན་ཡིན།། ཐོག་མ་སྤྱི
130a4 ས་ཆེན་པོ་ཡིན།། ཐ་མ་སྣང་ཞིང་སྲིད་པའི་ཆོས།། ཐོག་མ་སྨྲ་བསམ་བརྗོད་ལས་འདས་པ་ཡིན།། ཐ་མ་བློ་ཡི་སྤྲོས་པ་ཡིན།། ཐོག་མ་སྐྱེ་བ་མེད་པ་ཡིན།། ཐ་མ་སྐྱེ་བའི་ཆོ་འཕྲུལ་བྱུང་།། ཐོག་མ་གཉིས་སུ་མེད་པ
130a5 ཡིན།། ཐ་མ་གཉིས་སྣང་ཤེས་པ་བྱུང་།། ཐོག་མ་མཉམ་ཉིད་ཆེན་པོ་ཡིན།། ཐ་མ་ཕྱོགས་རིས་སྣ་ཚོགས་བྱུང་།། ཐོག་མ་དགག་བསྒྲུབ་སྤང་ལེན་མེད།། ཐ་མ་དགག་བསྒྲུབ་སྤང་ལེན་བྱུང་།། ཐོག་མ་འཁྲུལ་དང་མ
130a6 འཁྲུལ་མེད།། ཐ་མ་འཁྲུལ་སྣང་སྣ་ཚོགས་བྱུང་།། ཐོག་མ་དབྱེ་བསལ་རྩིས་གདབ་མེད།། ཐ་མ་དབྱེ་བསལ་རྩིས་གདབ་བྱུང་།། ཐོག་མ་བསྟན་བྱ་སྟོན་བྱེད་མེད།། ཐ་མ་བསྟན་བྱ་སྟོན་བྱེད་བྱུང་།། ཐོག་མ་མཚོན་བྱ
iiif viewer powered by OpenSeadragon
