| e-texts navigator |
| Wylie |
12b1 དཔའ་ཡིས།། འཁོར་རྣམས་བསམ་པ་ཐུགས་ཆུད་ནས།། སེམས་རྟོག་གསལ་ཕྱིར་དོན་འདི་ཞུས།། དོན་འདི་སངས་རྒྱས་རྒྱུ་འདི་གང་ལས་བྱུང་།། གཞི་ལ་འཕོ་འགྱུར་མེད་པའི་ལྟ་བ་གང་།། སྣང་བ་ངེས་མེད་སྣ
12b2 ཚོགས་ཅི་ལས་བྱུང་།། མ་བསྒོམས་སྐྱེ་བོར་མི་གོལ་ཐབས་ཅི་ལགས།། ཡིད་ཀྱིས་ཞུས་པས་དོན་གསན་ཐུགས་ཆུད་ནས།། སྟོན་པ་ཀུན་རིག་རྒྱལ་པོ་ཆོས་རྗེ་ཡི།། ཐུགས་ཀྱི་དཀྱིལ་འཁོར་རིན་ཆེན་སྒོ་ཕྱེ
12b3 ནས།། སངས་རྒྱས་དཔལ་གྱི་མགུར་ནས་བཀའ་སྩལ་པ།། འཁོར་འདས་བཞི་ནི་ངོ་བོ་ཉིད་ཀྱི་སྐུ།། དོན་གྱི་སངས་རྒྱས་རང་བྱུང་དོན་རྟོགས་ན།། ཀུན་ཏུ་བཟང་པོ་རང་བྱུང་བཅོམ་ལྡན་འདས།། ཡེ་ཤེས་རབ་ཏུ་ཆེ
12b4 མཆོག་ཆོས་ཀྱི་སྐུ།། མི་སྐྱེ་མི་འགག་ནམ་མཁའི་རང་བཞིན་ལ།། འཁྲུལ་རྟོགས་ཉིད་ཀྱང་ཡེ་ཤེས་བདེ་བའི་ཀློང་།། དཔེར་ན་ཁྱུང་ཆེན་ཆུ་ཀླུང་གྱེན་མཐུར་ཀྱང་།། ཉམ་ང་མེད་པར་ནམ་མཁར་སྤྱོད་པའི་ལམ།། དེ
12b5 བཞིན་ཡེ་ནས་བློ་སྦྱངས་རྣལ་འབྱོར་ཐུགས།། སངས་རྒྱས་སྙིང་པོ་རྟོགས་པའི་སྐལ་ལྡན་རྣམས།། ཆོས་སྐུ་མངོན་དུ་གྲུབ་པའི་གདམས་ངག་ཅན།། དོན་རྟོགས་ཡེ་ཤེས་ཡོན་ཏན་དེ་ལས་བྱུང་།། དེ་ཕྱིར་གཞི་ལས
12b6 འགྱུར་མེད་རྒྱལ་བའི་བཀའ།། དེ་ལ་འཕེལ་འགྲིབ་མེད་པ་རྟོགས་པའི་མཆོག། མངོན་འགྱུར་སངས་རྒྱས་ད་ལྟ་ཉིད་དུ་གྲུབ།། རྫོགས་པ་ཆེན་པོ་ལྟ་བ་ཡེ་ཤེས་གཏིང་ནས་རྫོགས་པའི་རྒྱུད་ལས།། སངས་རྒྱས་ཡེ
iiif viewer powered by OpenSeadragon
