| e-texts navigator |
| Wylie |
129a1 ལྔའི་ཀློང་དུ་བསྒྲལ།། རང་སངས་ཆེན་པོའི་ཐུན་བརྒྱབ་པས།། ཉོན་མོངས་ཐམས་ཅད་དུས་གཅིག་བརླགས།། ཆགས་འཛིན་ཆགས་ཞེན་ཐམས་ཅད་སངས།། མ་སྤངས་མི་གནས་བདེ་ཆེན་ཀློང་དུ
129a2 བསྒྲལ།། དགྲ་ཡི་རྩ་བ་གཅིག་ཆོད་པས།། དགྲ་རྣམས་ཐམས་ཅད་དུས་གཅིག་སོད།། མཐུ་བོ་ཆེ་ཞེས་བྱ་བ་ཡིན།། མཐུ་ནི་སྣང་སྲིད་ཐམས་ཅད་སྟེ།། ཆེ་བ་མ་སྤངས་མི་གནས་ཆེ།། མཐུ་ནི་བུ་ཡི་རང་བཞིན་ཏེ།། ཆེ
129a3 བ་སྙིང་པོ་མ་ཡི་ཀློང་།། མཐུ་ནི་ཆོས་ཅན་བུ་ཡིན་ཏེ།། ཆེ་བ་ཆོས་ཉིད་མ་ཡི་ཆེ།། མ་འགགས་མི་དམིགས་མཐུ་བོ་ཆེ།། རྫོགས་པ་ཆེན་པོའི་མཐུ་ཆེན་ཡིན།། མཐུ་ཆེན་བཏང་ན་སེམས་ལ་མཐོང་།། ཞེས་གསུངས
129a4 སོ།། སྣང་སྲིད་ཁ་སྦྱོར་བདུད་རྩི་བརྒྱད་ཟིགས། འཁོར་བ་ཐོག་མཐའ་གཅོད་པའི་རྒྱུད་ལས། རྫོགས་ཆེན་མཐུ་རུ་བཀོད་པའི་ལེའུ་སྟེ་བཞི་བཅུ་བམ་པ་ལ། ལམ་མ། ཡུལ་མམ།། ། པ་ས་ཨ་བ་རི་བྷཱུ་ཏ་ཀ།
129a5 ཀ་ཡ་ཝཱ་ཀ་སིདྡྷི་ཨཱ། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། སྣང་སྲིད་ཐམས་ཅད་རྒྱས་འདེབས་པའི།། བདེ་གཤེགས་བཀའ་ཡི་ཐིག་པ་ཐམས་ཅད་གཅིག་ཏུ་འདུས་པ། བདུད་རྩི
129a6 བཅུད་ཐིགས་རྒྱུད། དེའི་བཤད་ལུགས་ཇི་ལྟར་ལགས། ཞེས་ཞུས་པ་དང་། དེ་ནས་སྟོན་པ་ཀུན་ཏུ་བཟང་པོ་དེས། རིན་པོ་ཆེ་འོད་རྩིས་གདབ་མེད་པའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ལས་བཞེངས་ནས
iiif viewer powered by OpenSeadragon
