| e-texts navigator |
| Wylie |
128a1 པ།། བ་ནི་མི་དམིགས་མིང་འདོགས་མེད།། འབེབས་པ་མ་འགགས་མི་དམིགས་གཉིས་སུ་མེད།། སེར་ནི་སྣ་ཚོགས་ཅིར་ཡང་བྱ།། བ་ནི་ཅིར་ཡང་མ་སྤངས་ཅི་ཡང་མ་བསྒྲུབས་པ།། འབེབས་པ
128a2 རྫོགས་པ་ཆེན་པོ་ཡིན།། སེར་ནི་མཚན་ཉིད་མ་འགགས་རྫོགས།། པ་ནི་མི་དམིགས་སྙིང་རྗེ་ཆེན་པོའོ།། སེར་ནི་མ་འགགས་བུ་གསལ་རྫོགས།། བ་ནི་མི་དམིགས་སྟོང་པ་ཆེན་པོའོ།། འབེབས་པ་མ་བུ་དབྱེར་མེད
128a3 རྫོགས།། མ་འགགས་མི་དམིགས་དབྱེར་མེད་སྤྱི་ཏི་ཡིན།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། རྫོགས་ཆེན་སེམས་ཀྱི་སེར་བ་དབབ་པའི་ལེའུ
128a4 སྟེ་སོ་དགུ་པའོ།། བྷག་བརྡ་པྲ། ཏྲཿཥུཿ།། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། དགྲ་ལ་སོད་དུས་མ་བྱུང་བས།། མཐུ་ཆེན་གཏོང་ཐབས་བསྟན་དུ་གསོལ།། ཞེས་ཞུས་པ་དང་། དེ
128a5 ས་སེམས་ཉིད་ཀུན་བཟང་དེས། རིན་པོ་ཆེ་འོད་ཟེར་གྱིས་དགྲ་ཁ་ཕུང་དུ་གསོད་པའི་ཏིང་ངེ་འཛིན་ལ་བཞུགས་སོ།། དེ་ལས་བཞེངས་ནས་འཁོར་ལ་འདི་སྐད་གསུངས།། ཡེ་ཀློང་ཆོས་ཉིད་མ་ལ་དབྱེར་མེད
128a6 ཀྱང་།། རྩལ་སྣང་ཡན་ལག་བུ་ལ་དགྲར་སྣང་དགྲར་བཟུང་བས།། དགྲ་ཡི་རྩ་བ་འགོང་པོ་ང་བདག་ཡིན།། དགྲ་ཡི་ངོ་བོ་ཉོན་མོངས་དུག་གསུམ་ཡིན།། དགྲ་ཡི་སྡོང་ཟླ་ཉོན་མོངས་དུག་ལྔ་ཡིན།། དགྲ་ཡི་རྒྱབ་བརྟེན
iiif viewer powered by OpenSeadragon
