| e-texts navigator |
| Wylie |
127b1 བསྣུར།། བསྐལ་པ་སྟོང་དུ་བསགས་པའི་མ་རིག་པ་བདག་ཉིད།། ཁམས་གསུམ་སེམས་ཅན་རིགས་དྲུག་ལོ་ཐོག་རྒྱས།། སྐྱེ་རྒ་ན་འཆིའི་སྡུག་བསྔལ་འབྲས་བུར་སྨིན།། ཉོན་མོངས་བརྒྱད་ཁྲི་བཞི་སྟོང་ལོ་ཐོག
127b2 ལ།། ཐེག་པ་བརྒྱད་ཁྲི་བཞི་སྟོང་སེར་ཆེན་ཕབ།། སྡུག་བསྔལ་བསམ་གྱིས་མི་ཁྱབ་སྦར་བ་ལ།། བདེ་ཆེན་བསམ་གྱིས་མི་ཁྱབ་སེར་ཆེན་འབེབས།། འགོང་པོ་ང་བདག་གདོན་གཉིས་ལ།། ཆོས་སྐུ་རང་མདངས་སེར
127b3 བ་ཕབ།། མ་རིག་ལིང་ཐོག་ཐིབས་པོ་ལ།། ཡེ་ཤེས་གསལ་བའི་སེར་བ་ཕབ།། བྱང་ཆུབ་སེམས་ཉིད་སེར་བ་ཡིས།། ཉོན་མོངས་ལོ་ཏོག་གཏན་ནས་བརླག། སེམས་ཀྱི་སེར་བ་ཆེན་པོའོ།། སེར་བ་བྱ་བའི་ངེས་ཚིག
127b4 ཀྱང་།། སེར་ནི་སྣང་སྲིད་ཀུན་བཟང་ཡུམ།། བ་ནི་སྣང་གསལ་སྣང་རིག་ཚོར་བ་ཡབ།། འབེབས་པ་ཀུན་བཟང་ཡབ་ཡུམ་དབྱེར་མེད་ཡིན།། དེས་ན་སེར་བ་ཀུན་བཟང་ཡབ་ཡུམ་མོ།། སེར་ནི་སྙིང་པོ་ཆོས་ཉིད
127b5 མ།། བ་ནི་མཚན་ཉིད་རིག་པའི་བུ།། འབེབས་ནི་གཉིས་མེད་ངང་དུ་འབེབས།། དེས་ན་སེར་བ་མ་བུ་ཡིན།། སེར་ནི་ནང་གི་སེམས་ལ་བྱ།། བ་ནི་ཕྱི་ཡི་ཡུལ་ལ་བྱ།། འབེབས་ནི་ཡུལ་སེམས་དབྱེ་བས་ལ་མེད།། སེར
127b6 བ་ཡུལ་སེམས་གཉིས་མེད་ཡིན།། སེར་ནི་སྙིང་པོ་ཆོས་ཀྱི་སྐུ།། བ་ནི་རྒྱུ་རྐྱེན་སྐྱེ་འགག་འཕོ་འགྱུར་མེད།། འབེབས་པ་རྩིས་གདབ་བརྗོད་མེད་ཡིན།། དེས་ན་སེར་བ་ཆོས་ཀྱི་སྐུ།། སེར་ནི་མ་འགགས་སྣ་ཚོགས
iiif viewer powered by OpenSeadragon
