| e-texts navigator |
| Wylie |
125b1 བསྐྲད།། ཁྲོ་བོའི་རྒྱལ་པོ་དང་དངས་འགྱུར་མེད་ཀྱིས།། འཁྲུལ་པ་རྣམ་རྟོག་ཞེན་ཆགས་བདུད་རྣམས་བསྐྲད།། ཡེ་ཤེས་ཁྲོ་བོ་རང་ཤར་གྱིས།། རྣམ་པར་རྟོག་པའི་བགེགས་བསལ་ནས།། ཡེ་ཤེས་རང
125b2 ཤར་དགོངས་པར་གནས།། མཉམ་ཉིད་ཡེ་ཤེས་གསལ་བ་ཡིས།། གཟུང་འཛིན་ཕྱོགས་རིས་བགེགས་བསལ་ནས།། ཆོས་རྣམས་མཉམ་ཉིད་ཀློང་ན་གནས།། མ་འདྲེས་ཡེ་ཤེས་དབྱེར་མེད་ཀྱིས།། དབྱེ་བསལ་རྩིས
125b3 གདབས་བགེགས་རྣམས་བསྐྲད།། དབྱེར་མེད་ཡོངས་གསལ་དགོད་པར་གནས།། དོན་གྲུབ་རང་དངས་ཡེ་ཤེས་ཀྱིས།། མཚན་རྟོག་འདོད་པའི་བགེགས་བསྐྲད་ནས།། འགྱུར་མེད་དོན་གྲུབ་དགོངས་པར
125b4 གནས།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། མཚམས་བཅད་ཀྱི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་རྡོ་རྗེ་སེམས་དཔའ
125b5 ཡིས།། ཀུན་བཟང་ཉིད་ལ་འདི་སྐད་ཞུས།། འདུས་བྱས་མཆོད་པ་མ་ཡིན་པའི།། མི་འགྱུར་སྙིང་པོའི་ལྷ་ཚོགས་ལ།། སེམས་ཉིད་མཆོད་པ་ཇི་ལྟར་དབུལ།། ཞེས་གསོལ་པ་དང་། ཀུན་ཏུ་བཟང་པོས་བཀའ་སྩལ
125b6 པ།། ཟང་ཟིང་མཆོད་པ་མ་ཡིན་པའི།། རང་སེམས་རྫས་ཀྱི་རྒྱལ་པོའི་མཆོད་པ་བཤད།། རྡོ་རྗེ་སེམས་དཔས་ཡིད་ལ་ཟུང་།། ཆོས་ཉིད་དོན་ལ་བཞུགས་མཆོད་མི་མངའ་ཡང་།། རྩལ་སྣང་ཆོས་ཀྱི་རོལ་པར
iiif viewer powered by OpenSeadragon
