| e-texts navigator |
| Wylie |
125a1 བཤད།། སྙིང་པོ་དོན་གྱི་ཆོས་སྐུ་ཡང་།། མི་དམིགས་དབྱིངས་ནས་གཤེགས་སུ་གསོལ།། འོད་གསལ་ཆོས་ཉིད་ཀློང་ཆེན་དུ།། སྐྱེ་འགག་མེད་པའི་ལོངས་སྐུ་ཡང་།། འོག་མིན་གནས་ནས་གཤེགས་སུ་གསོལ།། སྣང
125a2 སྲིད་མཁའ་ཀློང་ཡངས་པ་ནས།། ཀུན་ཁྱབ་དྲན་མེད་སྦྲུལ་སྐུ་ཡང་།། འགྲོ་དོན་མ་སྤངས་གཤེགས་སུ་གསོལ།། སེམས་ཀྱི་བརྟགས་སྣང་ལྷ་ཚོགས་རྣམས།། སྐྱེ་མེད་བསྟན་ཕྱིར་གཤེགས་སུ་གསོལ།། རྣམ་རྟོག་གཟུང
125a3 འཛིན་ཕྱག་ནས་ཀྱང་།། དོན་དམ་འགྱུར་བ་མེད་ལ་ཕྱག་འཚལ་ལོ།། མཁའ་ཀློང་ཡངས་པའི་གཞལ་ཡས་སུ།། མཉམ་པ་ཉིད་ཀྱི་ཁྲི་སྟེངས་སུ།། ཆོས་ཉིད་གདན་ལ་བཞུགས་སུ་གསོལ།། སྣང་བ་ཡུལ་གྱི་བྱེ་བྲག
125a4 ཀུན།། དགག་བསྒྲུབ་མེད་པར་མཆོད་པར་འབུལ།། ནང་འཛིན་སེམས་ཀྱི་དྲན་རྟོགས་ཀུན།། དངོས་པོ་མེད་པར་མཆོད་པ་འབུལ།། ཕྱི་ནང་གཉིས་སུ་སྣང་བ་རྣམས།། དབྱེ་བསལ་མེད་པར་མཆོད་པ་འབུལ།། ཡུལ
125a5 དུ་སྣང་བའི་དཀར་དམར་རྣམས།། སོར་བཞག་ཆེན་པོར་མཆོད་པར་འབུལ།། སེམས་ལས་བྱུང་བའི་དྲན་རྟོག་རྣམས།། རྩིས་གདབ་མེད་པར་མཆོད་པ་འབུལ།། གཟུང་འཛིན་གཉིས་ཀྱིས་བཅིངས་པ་རྣམས།། སྤྲོས
125a6 པ་ཟག་ཆོད་མཆོད་པ་འབུལ།། ཕྱི་རུ་སྣང་བའི་ཡུལ་སྣང་ཀུན།། སྣང་ལ་རང་བཞིན་མེད་པར་མཆོད་པར་འབུལ།། ནང་ལ་གསལ་བའི་སེམས་ཉིད་ཀུན།། མི་སྣང་རང་བཞིན་མེད་པར་མཆོད་པ་འབུལ།། སྣང་ཞིང
iiif viewer powered by OpenSeadragon
