| e-texts navigator |
| Wylie |
123b1 པའི།། ལྷོ་ཡི་སྒོ་བར་ཕྱག་འཚལ་བསྟོད།། འཁྲུལ་པ་ཐམས་ཅད་རང་སར་དེངས།། རང་སངས་ནུབ་སྒོར་ཕྱག་འཚལ་བསྟོད།། བརྟགས་ཞེན་མཚན་མ་ཡོངས་དང་བྲལ།། གསལ་གདངས་བྱང་སྒོར
123b2 ཕྱག་འཚལ་བསྟོད།། བསྟོད་པ་ཆ་མཐུན་ཁྱད་པར་འཕགས།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། བསྟོད་པའི་ལེའུ་སྟེ་ཉི་ཤུ་རྩ་བཞི་པའོ།། །
123b3 ཨམྲཿཿམཿ།། དེ་ནས་རྡོ་རྗེ་སེམས་དཔའ་ཡིས།། སྟོན་པ་ཀུན་ཏུ་བཟང་པོ་ལ།། གཤེགས་སུ་གསོལ་ན་ཇི་ལྟར་གསོལ།། ཞེས་གསོལ་པ་དང་། ཀུན་ཏུ་བཟང་པོས་བཀའ་སྩལ་པ།། བརྗོད་མེད་བདེ་ཆེན་ཀློང
123b4 དུ་གཤེགས་སུ་གསོལ།། བསམ་མེད་འགྱུར་མེད་དབྱིངས་སུ་གཤེགས་སུ་གསོལ།། རང་བྱུང་ཆེན་པོའི་ཀློང་དུ་གཤེགས་སུ་གསོལ།། མངོན་མེད་དབྱིངས་སུ་གཤེགས་སུ་གསོལ།། མཚོན་མེད་བརྗོད་འདས་དབྱིངས
123b5 སུ་གཤེགས་སུ་གསོལ།། རིན་ཆེན་འོད་འབར་ཆོས་ཉིད་ཀློང་དུ་གཤེགས་སུ་གསོལ།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། གཤེགས་སུ་གསོལ
123b6 བའི་ལེའུ་སྟེ་ཉི་ཤུ་རྩ་ལྔ་པའོ།། \ུ0f7fབཱ་ཐཱ་ཀྵཀྵནཿ།། ། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། རྫོགས་ཆེན་སྠི་ཏི་ཡོ་ག་ཡིས།། དབང་གི་སྒྲུབ་ཟབས་ཅི་ལྟར་ལགས།། ཞེས་གསོལ་པ
iiif viewer powered by OpenSeadragon
