| e-texts navigator |
| Wylie |
122b1 དེ།། སྐལ་ལྡན་རིགས་ཆེན་སློབ་མ་དེ།། འོག་མིན་གནས་མཆོག་དཀྱིལ་འཁོར་དུ།། ཚོགས་དང་གཏོར་མ་ལུགས་སུ་བཤམ།། བསྒྲུབ་པའི་རྫས་དང་དཀྱིལ་འཁོར་རྫས།། ཆད་པ་མེད་པར་བསགས
122b2 བྱས་ལ།། དོན་དམ་སློབ་མ་སྐལ་ལྡན་དེས།། བྱང་ཆུབ་ཆེན་པོའི་ཆུ་རྒྱུན་གྱིས།། སེམས་ཀྱི་དྲི་མ་དག་པར་བཀྲུས།། རྡོ་རྗེ་སློབ་དཔོན་བཞུགས་པ་ལ།། པུས་བཙུགས་ཐལ་སྦྱར་འདི་སྐད་ཞུས།། ཨེ་མ་ཧོ། ཡེ་ནས་བདེ
122b3 གཤེགས་སྙིང་པོ་ལ།། ཉོན་མོངས་མ་རིག་དབང་གིས་ནི།། རང་གི་དེ་ཉིད་ངོ་མ་ཤེས།། བསྐལ་པར་འགྲོགས་ཀྱང་དོན་མ་རྟོགས།། ལྷན་ཅིག་གནས་ཀྱང་ཞལ་མ་འཚོས།། ཉོན་མོངས་དུག་ལྔའི་བདག་ཉིད
122b4 ཀྱིས།། ཁམས་གསུམ་འཁོར་བའི་གནས་སུ་འཁྱམས།། ཐོག་མའི་སངས་རྒྱས་མ་དང་སྤྲོད།། ཆོས་ཉིད་མ་བུ་ངོ་སྤྲད་ཕྱིར།། མི་འགྱུར་ཆོས་ཉིད་དཀྱིལ་འཁོར་སྟོན།། འཁོར་བའི་ནང་ནས་གདོན་དུ་གསོལ།། སློབ
122b5 དཔོན་ཉིད་ཀྱིས་བྱིན་གྱིས་རློབས།། ཐར་པ་ཆེན་པོའི་གྲོང་མཆོག་ཏུ།། སྐྱབས་མེད་བདག་ནི་འཇུག་ཏུ་གསོལ།། ཞེས་གསོལ་པ་དང་། སློབ་དཔོན་གྱིས་གསུངས་པ།། ཀྱེ་ཀྱེ་བུ་ཁྱོད་སྐལ་ལྡན་རིགས་ཀྱི་བུ།། མི
122b6 འགྱུར་དཀྱིལ་འཁོར་འཇུག་འདོད་ན།། གཟུང་འཛིན་གཉིས་ཀྱི་སྒྲོག་ཁྲོལ་ལ།། སེམས་ཀྱི་དྲི་མ་དག་པར་གྱིས།། སེམས་ལ་ཞེན་འདོད་མ་བྱེད་པར།། ཆགས་ཞེན་བྲལ་བས་འཇུག་པར་གྱིས།། དེ་ནས་སློབ་དཔོན
iiif viewer powered by OpenSeadragon
