| e-texts navigator |
| Wylie |
122a1 གྱིས་སློབ་མར་མིག་དར་བཀབ་ལ། ཡོལ་བའི་ཕྱི་རོལ་ནས་ནང་དུ་ཁྲིད་ལ། རྟོག་ཚོགས་ཀྱི་བགེགས་བསྐྲད་ལ། དེ་ནས་སློབ་མས་ཀྱང་རྟོག་པ་ཐམས་ཅད་ཕྱག་པའི་ཕྱག་བྱས་ལ། མ་ཆགས་སེར་སྣ་མེད་པའི་རིན་པོ
122a2 ཆེཚེ། ཆེ་བ་ལྔ་ཡི་ནོར་ཀུན་མི་ཕངས་པར་འབུལ་ལོ།། དེ་ནས་སློབ་མ་དེས། མི་འགྱུར་དབྱིངས་ཀྱི་དཀྱིལ་འཁོར་དེ།། བདག་ཅག་རྣམས་ཀྱིས་མཐོང་བྱའི་ཕྱིར།། མ་རིག་པ་ཡི་མིག་ཕྱེ་ལ།། སྙིང་པོ་དོན་གྱི་ལྷ་ཚོགས
122a3 བསྟན་དུ་གསོལ།། ཞེས་གསོལ་པ་དང་། དེ་ནས་སློབ་དཔོན་གྱིས། འདི་སྐད་གསུང་ངོ་།། བུ་ཁྱོད་སྐལ་ལྡན་རིགས་ཅན་ཁྱོད།། ཐོག་མ་མེད་པའི་དུས་ཉིད་ནས།། གནས་དོན་མ་ཤེས་དོན་མ་རིག། མ་རིག་མུན་པས
122a4 མིག་ལོང་བས།། དེ་རིང་ཤེས་རབ་འོད་གསལ་གྱིས།། མ་རིག་པ་ཡི་མིག་དབྱེའོ།། མི་འགྱུར་ལྷ་ཚོགས་བལྟ་བར་གྱིས།། རང་གི་རིན་ཆེན་འོད་གསལ་བསྟན།། ཐོག་མའི་སངས་རྒྱས་ངོ་སྤྲད་དོ།། ཞེས་མིག་ཕྱེའོ།། དེ
122a5 ནས་སློབ་མ་དེས་མེ་ཏོག་དོར་ནས། མིག་ཕྱེ་ནས་ལྷ་ངོ་བལྟའོ།། རིགས་གང་ཡིན་གྱི་གསང་མཚན་གདགས་སོ།། དེ་ནས་སློབ་དཔོན་གྱིས་སློབ་མའི་སྤྱི་བོར་བུམ་པ་བཞག་ལ། འདི་སྐད་བརྗོད་པར་བྱའོ།། ཆོས
122a6 དབྱིངས་རྣམ་དག་བུམ་པ་འདི།། བུ་ཁྱོད་སྤྱི་བཙུགས་བཞག་བྱས་ནས།། ཡེ་ཤེས་བུམ་པའི་དབང་བསྐུར་བས།། སྣང་སྲིད་མ་བཀག་ཆོས་སྐུ་རུ།། ཕྱོགས་རིས་བྲལ་བའི་དབང་ཐོབ་ཤོག། དེ་ནས་དབུ་རྒྱན་བསྐོན་བྱས
iiif viewer powered by OpenSeadragon
