| e-texts navigator |
| Wylie |
121b1 ཏེ།། རྒྱལ་བ་རིགས་ལྔའི་དབང་བསྐུར་བས།། ཡེ་ཤེས་རྣམ་ལྔ་གསལ་བ་དང་།། རང་ཉིད་རིགས་ལྔའི་སྐུར་གྱུར་ཅིག། དེ་ནས་རྡོ་རྗེ་སྦྱིན་བྱས་ཏེ།། རྡོ་རྗེ་འབར་བ་འདི་གཏད་པས།། མ་ནོར་མ་བཅོས
121b2 བྱར་མེད་པའི།། མི་འགྱུར་བརྟན་པའི་རྒྱས་ཐོབ་ཅིག། དེ་ནས་དྲིལ་བུ་སྦྱིན་བྱས་ལ།། སྟོང་ཉིད་དྲིལ་བུ་འདི་གཏད་པས།། དངོས་མེད་སྟོང་པའི་རང་བཞིན་ལ།། འགྱུར་བ་མེད་པར་རྒྱས་ཐོབ་ཅིག། ཅེས་བུམ་པའི
121b3 དབང་བསྐུར་རོ།། གཉིས་པ་གསང་བའི་དབང་བསྐུར་བ་ནི།། སྣང་གྲགས་རྟགས་སྣང་ཐབས་ཡིན་ཏེ།། རང་བཞིན་དངོས་མེད་ཤེས་རབ་ཡུམ།། གཉིས་མེད་ཆེན་པོར་སྦྱོར་བ་ལས།། དབྱེ་བསལ་མེད་པའི
121b4 དབང་ཐོབ་ཤོག། གསུམ་པ་ཤེས་རབ་ཡེ་ཤེས་ནི།། ཡུལ་གྱིས་མ་ཕྱེས་ཆོས་ཀྱི་དབྱིངས།། སེམས་ཀྱིས་མ་བསམས་ཆོས་ཀྱི་དབྱིངས།། ཆོས་སྐུ་ཆོས་དབྱིངས་བརྗོད་མེད་ཀློང་།། ཤེས་རབ་ཡེ་ཤེས་དབང
121b5 བསྐུར་ཐོབ།། བཞི་པ་རིན་ཆེན་ཚིག་དབང་ཀྱང་།། སེམས་ཉིད་དང་དངས་རིན་ཆེན་དེ།། རྣམ་རྟོག་མཚན་མའི་ཚོགས་ལས་བྱུང་།། ཆོས་ཉིད་རང་གསལ་རང་དབང་ཐོབ།། རིན་ཆེན་ཚིག་དབང་བསྐུར
121b6 བས་ཐོབ།། ཅེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། དབང་བསྐུར་ལུགས་ཀྱི་ལེའུ་སྟེ་ཉི་ཤུ་རྩ་དྲུག་པའོ།། །། དེ་ནས་རྡོ་རྗེ་སེམས་དཔའ
iiif viewer powered by OpenSeadragon
