| e-texts navigator |
| Wylie |
11b1 པ་ལྷུན་གྲུབ་ཡིད་སྨོན་བློ་ཡི་ཆོས།། ས་རྡོ་གསེར་དུ་བྱེད་བཞིན་མེད་དེ་ཡོད་པར་འདོད།། གནས་འགྱུར་ལྷ་བསྒོམ་གྲོལ་འདོད་ཀུན་བརྟགས་ཏེ།། མེད་ལས་ཡོད་འཚོལ་སྨིག་རྒྱུ་བསྙེག་པ་འདྲ།། དེ་ཡང་འཁོར་གྱི་སྙིང
11b2 པོ་ལེགས་པར་ཉོན།། འཇིག་རྟེན་མཐུན་སྣང་ལྷུན་གྲུབ་འཁྲུལ་པ་སྟེ།། སྣང་སྲིད་ཡུལ་སྣང་བློ་ཡིས་འདི་ལྟར་བརྟགས།། གཞི་ནི་ལམ་ལ་མ་བསྐུར་སངས་རྒྱས་སུ།། ལོག་ལྷ་ཡེ་ཡིན་མི་ཕན་འཁོར་བར་སྨིན།། ངེས
11b3 མེད་སྣ་ཚོགས་ལྷུན་གྲུབ་ཡིན་ཟེར་ནས།། གཞི་ནི་ངེས་མེད་ལྟ་བ་ཕྱོགས་མེད་འདོད།། རང་སེམས་སྣ་ཚོགས་ཕྱིར་ན་ཆོས་ཉིད་མིན།། དེ་ཕྱིར་རིག་བྱེད་སྨྲ་བའི་ལྟ་བར་གོལ།། དེ་ཡང་རྡོ་རྗེ་སེམས་དཔའ་ཆེན་པོ
11b4 ཉོན།། གང་ཡང་སེམས་ཡིན་ལྷུན་གྲུབ་འདོད་པ་དེ།། ཕྱི་ནང་ཆོས་རྣམས་སེམས་སུ་བློས་བསྡུས་པས།། དབང་པོ་ཡུལ་ཡེངས་ཕྱིར་ན་རང་སེམས་འཁྲུལ།། སེམས་ཙམ་ཀ་ཏ་རི་ཡི་ལྟ་བར་གོལ།། སྤྲོས་མེད་རྒྱུན་ཆད
11b5 ལྷུན་གྲུབ་འདོད་པ་དེ།། མེ་ཤི་ཤིང་ཟད་དཔེ་བཞིན་འདོད་པའི་ཕྱིར།། ཡེ་ཤེས་རྣམ་རྟོག་རྒྱུན་ཆད་སྤང་བྱ་མེད།། དེ་ཕྱིར་གཉེན་པོ་མེད་པས་གྲུབ་བྱ་བྲལ།། ཡེ་ཤེས་མེད་པར་འདོད་ཕྱིར་དོན་ལས་འཁྲུལ།། དེ་ཡང
11b6 འདུས་པའི་རྡོ་རྗེ་སེམས་དཔའ་ཉོན།། ཐལ་དྲགས་གོང་རྒལ་ལྷུན་གྲུབ་འདོད་པ་དེ།། ཆོས་ཅན་ཁ་དཀར་རྫས་གཅིག་གང་རུང་བ།། འཁོར་འདས་དུས་གསུམ་ཚང་ཞིང་རྫོགས་འདོད་པས།། གཅིག་ལ་གཅིག་མེད
iiif viewer powered by OpenSeadragon
