| e-texts navigator |
| Wylie |
117b1 རྟགས་ཞེན་ཀུན།། འགྱུར་མེད་ཀློང་དུ་མཆོད་པར་འབུལ།། རང་སངས་ཆེན་པོར་བྱིན་གྱིས་རློབས།། སྙིང་པོ་དོན་གྱི་ལྷ་ཚོགས་ལ།། བྱུང་ཚོར་ཐམས་ཅད་གཏོར་མར་འབུལ།། སྤྲོས་པ་ཟག་ཆོད་བཞེས
117b2 སུ་གསོལ།། རྩིས་གདབ་མེད་པར་བྱིན་གྱིས་རློབས།། རིག་ལྔ་སྐུ་ལྔ་ཡབ་ཡུམ་ལ།། ཕྱི་ནང་གཉིས་མེད་གཏོར་མར་འབུལ།། དབྱེ་བསལ་མེད་པར་བཞེས་སུ་གསོལ།། མ་ཕྱེ་མ་བཀོལ་བྱིན་གྱིས་རློབས།། བདེ་ལྕམ
117b3 གསལ་བའི་ལྷ་མོ་ལ་སོགས་ལ།། རིག་ཡིད་དྲན་སེམས་གཏོར་མར་འབུལ།། རིག་མེད་འགྱུ་མེད་སེམས་པ་མེད་པར་བཞེས་སུ་གསོལ།། གཡོས་པ་མེད་པར་བྱིན་གྱིས་རློབས།། ཤར་སྒོ་སྲུང་བ་དང་དངས
117b4 ལ།། གཟུང་འཛིན་ཆགས་ཞེན་གཏོར་མར་འབུལ།། ཆགས་མེད་ཞེན་མེད་བཞེས་སུ་གསོལ།། ཤུགས་སྒྲོལ་ཆེན་པོ་བྱིན་གྱིས་རློབས།། ལྷོ་ཡི་སྒོ་སྲུང་རང་སངས་ལ།། ཡུལ་སེམས་གཉིས་ནི་མཆོད་པར
117b5 འབུལ།། དགག་བསྒྲུབ་མེད་པར་བཞེས་སུ་གསོལ།། གཉིས་སུ་མེད་པར་བྱིན་གྱིས་རློབས།། ནུབ་སྒོའི་སྒོ་སྲུང་རང་སངས་ལ།། མ་རིག་གཉིས་འཛིན་གཏོར་མར་འབུལ།། གསལ་བའི་ཀློང་དུ་བཞེས་སུ་གསོལ།། ཡེ
117b6 ཤེས་རང་ཤར་བྱིན་གྱིས་རློབས།། བྱང་སྒོའི་སྒོ་སྲུང་མཁའ་གསལ་ལ།། ལྷ་བསྒོམ་སྤྱོད་འབྲས་མཆོད་པར་འབུལ།། བལྟ་བྱ་ལྟ་བྱེད་མེད་པ་ཡི།། ཞེ་འདོད་མེད་པར་བཞེས་སུ་གསོལ།། སྤྲོས་ཆོད་ཀ་དག་ཆེན་པོ་བྱིན
iiif viewer powered by OpenSeadragon
