| e-texts navigator |
| Wylie |
117a1 གྱིས་རློབས།། མིང་འདོགས་མེད་པར་གཏོར་མ་འབུལ།། བརྟགས་སྣང་མེད་པར་བྱིན་གྱིས་རློབས།། བྱ་བཙལ་མེད་པར་གཏོར་མ་འབུལ།། བྱར་མེད་ཆེན་པོར་བྱིན་གྱིས་རློབས།། བཟང་ངན་ཐམས་ཅད་གཏོར་མར
117a2 འབུལ།། སྤང་ལེན་མེད་པར་བྱིན་གྱིས་རློབས།། གཞི་དང་རྩལ་སྣང་གཏོར་མར་འབུལ།། གཞི་དང་རྩལ་ཐིམ་བཞེས་སུ་གསོལ།། དབྱེར་མེད་འཕོ་འགྱུར་མེད་པར་བྱིན་གྱིས་རློབས།། ཟང་ཟིང་འདུས་རྫས་གཏོར་མ
117a3 མིན།། གཏང་བྱ་གཏོང་བྱེད་མེད་པ་ཡི།། བྱང་ཆུབ་སེམས་ཀྱི་གཏོར་མ་ཁྱད་པར་འཕགས།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཟིགས།། འཁོར་བ་ཐོག་མཐའ་གཅོད་པའི་རྒྱུད་ལས། རང་སེམས
117a4 གཏོར་མར་བཀོད་པའི་ལེའུ་སྟེ་སུམ་ཅུ་ཟམ་པའོ།། འ@##།། དེ་ནས་རྡོ་རྗེ་སེམས་དཔའ་ཡིས།། སྟོན་པ་སེམས་ཉིད་ཀུན་བཟང་ལ།། གཏོར་མའི་ངེས་ཚིག་ཇི་ལྟར་ལགས།། ཞེས་གསོལ་པ
117a5 དང་། སྟོན་པས་འཁོར་ལ་བཀའ་སྩལ་པ།། གཏོར་མའི་ངེས་ཚིག་བཤད་ཀྱིས་ཉོན།། གཏོར་མར་གཏོར་མ་ཞེས་བྱ་བ།། འཛིན་ཆགས་མེད་པར་གཏོར་ཞེས་བྱ།། ཀུན་ལ་ཁྱབ་པས་མ་ཞེས་བྱ།། སྣང་སྲིད་གཏོར་མར
117a6 ཕུལ་བས་གཏོར་ཞེས་བྱ།། དབྱེ་བསལ་མེད་པས་མ་ཞེས་བྱ།། འགྲོ་དྲུག་ཕུལ་བས་གཏོར་ཞེས་བྱ།། འགྲོ་དྲུག་གཡང་ས་གཅོད་པའི་མ་ཞེས་བྱ།། གཉིས་སྣང་ཕུལ་བས་གཏོར་ཞེས་བྱ།། གཉིས་སུ་མེད་པས་མ་ཞེས
iiif viewer powered by OpenSeadragon
