| e-texts navigator |
| Wylie |
116b1 བྱ།། མ་འགགས་འབྱུང་བས་གཏོར་ཞེས་བྱ།། རྩིས་གདབ་མེད་པས་མ་ཞེས་བྱ།། རིག་པ་རྩལ་སྣང་གཏོར་ཞེས་བྱ།། གཞི་ལ་རྩལ་ཐིམ་མ་ཞེས་བྱ།། སྣ་ཚོགས་སྣང་བས་གཏོར་ཞེས་བྱ།། གཅིག་ཏུ
116b2 འདུས་པས་མ་ཞེས་བྱ།། བརྗོད་མཐའ་ཡས་པས་གཏོར་ཞེས་བྱ།། བརྗོད་དུ་མེད་པས་མ་ཞེས་བྱ།། ཆོས་རྣམས་གཅིག་ཏུ་ཤེས་པས་གཏོར་ཞེས་བྱ།། ཆོས་རྣམས་ཀུན་ལས་གྲོལ་བསམ་ཞེས་བྱ།། གཅིག་ཤེས་ཀུན
116b3 གྲོལ་གཏོར་མའི་ངེས་ཚིག་ཡིན།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས།། གཏོར་མའི་ངེས་ཚིག་བསྟན་པའི་ལེའུ་སྟེ་སོ་གཅིག་པའོ།། །
116b4 \ུ0f7f།། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། བྱ་བཙལ་རྩོལ་བསྒྲུབ་མི་དགོས་པས།། ཆོས་ཉིད་ཚ་ཚ་ཇི་ལྟར་ལགས།། ཞེས་གསོལ་པ་དང་། དེ་ནས་སྟོན་པ་ཀུན་ཏུ
116b5 བཟང་པོས་འོད་མི་འགྱུར་བའི་ཏིང་ངེ་འཛིན་ལ་བཞུགས་སོ།། དེ་ལས་བཞེངས་ནས་འཁོར་ལ་འདི་སྐད་གསུངས་སོ།། སྙིང་པོའི་རང་བཞིན་གཡོས་པ་མེད་པ་ལ།། ཡན་ལག་རྩལ་གྱིས་སེམས་ཀྱི་ཚ་ཚ་འདེབས།།
116b6 འཁོར་རྣམས་མ་ཡེངས་གུས་པས་ཉོན།། འགྱུར་བ་མེད་པའི་ས་གཞི་ལ།། ཆོས་ཉིད་མི་འགྱུར་བསྟན་པ་བཙུགས།། ཐོགས་རྡུགས་མེད་པའི་འཇོར་རྣོན་གྱིས།། བརྒྱད་ཁྲི་བཞི་སྟོང་ས་བརྐོས་ལ།། ཤེས་རབ་འབར
iiif viewer powered by OpenSeadragon
