| e-texts navigator |
| Wylie |
115a1 ཁྱོན་ཡང་།། ནམ་མཁའ་དང་ནི་མཉམ་པར་གནས།། མཆོད་རྟེན་དེ་ཡི་སྐུ་གཟུགས་ཀྱང་།། མི་སྣང་ཀུན་གྱི་དངོས་གཞིར་ནས།། དུས་གསུམ་འཕོ་འགྱུར་མེད་པར་བཞུགས།། མཚན་ཉིད་ཅིར་ཡང་བཟུང་དུ
115a2 མེད།། རང་བཞིན་ཀུན་ལ་ཁྱབ་པར་གནས།། ངོ་བོ་དམིགས་པའི་ཡུལ་ལས་འདས།། སྨྲ་བསམ་བརྗོད་འདས་སྐུ་གདུང་ངོ་།། སེམས་ཉིད་མཆོད་རྟེན་འཇིག་འབྲལ་མེད།། ཚ་ཚ་འདེབས་ན་སེམས་ལ་ཐོབ།། རྩོལ
115a3 བསྒྲུབ་མི་དགོས་ངོ་མཚར་ཆེ།། དེ་ནི་སེམས་ཉིད་ཚ་ཚའོ།། ཚ་ཚ་ཆ་མཐུན་ཁྱད་པར་འཕགས།། ཞེས་གསུངས་སོ།། སྣང་སྲིད་ཁ་སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། སེམས་ཉིད
115a4 ཚ་ཚར་བཀོད་པའི་ལེའུ་སྟེ་སོ་གཉིས་པའོ།། ཐ་ཐ།། དེ་ནས་རྡོ་རྗེ་སེམས་དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། སེམས་ཀྱི་ཚ་ཚ་བཞུགས་པ་ཡི།། སེམས་ཉིད་མཆོད་རྟེན་ཇི་ལྟར
115a5 བརྩིགས།། དེ་ནས་ཀུན་ཏུ་བཟང་པོ་ཡིས།། རིན་པོ་ཆེ་འོད་སྐུ་མི་འགྱུར་མི་ཤིགས་པའི་ཏིང་ངེ་འཛིན་ལ་བཞུགས་སོ།། དེ་ལས་བཞེངས་ནས་འཁོར་ལ་འདི་སྐད་གསུངས།། སྙིང་པོ་སྐྱེ་མེད་འགྱུར་བ་མེད་པ
115a6 ལ།། རྩལ་སྣང་མ་འགགས་མཆོད་རྟེན་བཞེངས་ལུགས་ནི།། ཁྱབ་གདལ་ཆེན་པོའི་ས་གཞི་ལ།། མི་འགྱུར་དབྱིངས་ཀྱི་ཐིག་བཏབ་ལ།། འགྱུར་མེད་བརྟན་པའི་འགྲམ་རྡོ་གདིང་།། སྣང་ཞིང་སྲིད་པས་བསྡུས་པའི
iiif viewer powered by OpenSeadragon
