| e-texts navigator |
| Wylie |
114a1 རྩལ་མ་འགགས་པའི་བྱེ་ཆུང་མང་པོ་བཏགས།། སྣང་ཚུལ་བཅུ་དགུའི་རྒྱན་ཆ་མང་པོ་བཏགས།། མཆོད་རྟེན་དབྱིབས་ནི་ནམ་མཁའ་ལྟ་བུར་གནས།། སྣང་སྲིད་ཀུན་ལ་ཁྱབ་པར་གནས།། མཆོད་རྟེན་ཆེ་ཆུང་མཚན
114a2 ཉིད་ནི།། ཚོགས་བརྒྱད་ཡུལ་དུ་མ་གྱུར་བསམ་མི་ཁྱབ།། སྣང་བའི་ཡུལ་དུ་མ་གྱུར་དམིགས་དང་བྲལ།། དངོས་པོ་མཚན་མ་དག་གི་སྤྱོད་ཡུལ་མིན།། བྱིས་པ་མ་རབས་རྟོག་གེའི་བློ་ཡིས་འདི་མི་མཐོང་།། མཚན་ཉིད
114a3 མཐའ་ཡས་རྣམ་ཀུན་བྲལ།། ཅིར་ཡང་གཟུང་དུ་མེད་པ་ཡི།། མཆོད་རྟེན་དེ་ཡི་སྐུ་མདོག་ནི།། རིན་ཆེན་སྣ་ཚོགས་འོད་འཕྲོ་ཡང་།། ངོས་བཟུང་མ་བཏུབ་མཚོན་ལས་འདས།། རྩིས་གདབ་དབྱེར་མེད་ཞལ་ཞལ
114a4 བྱས།། གཟུང་འཛིན་དྲི་མས་མགོས་དཀར་རྩི་བསྐུས།། གཉིས་མེད་དབྱེ་བསལ་མེད་པར་གནས་པའོ།། སེམས་ཉིད་མཆོད་རྟེན་དུ་བཀོད་པའི་ལེའུ་སྟེ་སོ་གསུམ་པའོ།། ##།། དེ་ནས་རྡོ་རྗེ་སེམས
114a5 དཔའ་ཡིས།། ཀུན་བཟང་ཉིད་ལ་འདི་སྐད་ཞུས།། མཆོད་རྟེན་ངེས་ཚིག་ཇི་ལྟར་ལགས།། ཞེས་གསོལ་པ་དང་། ཀུན་ཏུ་བཟང་པོས་འདི་སྐད་གསུངས།། སྙིང་པོ་རང་བཞིན་གཡོས་པ་མེད་ན་ཡང་།། ཡན་ལག་རྩལ
114a6 གྱིས་རིག་པས་ངེས་ཚིག་བཤད།། མཆོད་རྟེན་བྱ་བའི་ངེས་ཚིག་ནི།། མཆོད་ནི་སྐུ་གསུམ་དབྱེར་མེད་མཆོད།། རྟེན་ནི་འདུ་འབྲལ་མེད་པ་ཡིན།། མཆོད་ནི་བསམ་དུ་མེད་པ་ཡིན།། རྟེན་ནི་བློ་ཡི་ཡུལ་ལས
iiif viewer powered by OpenSeadragon
