| e-texts navigator |
| Wylie |
113a1 སྦྱོར་བདུད་རྩི་བཅུད་ཐིགས། འཁོར་བ་ཐོག་མཐའ་གཅོད་པའི་རྒྱུད་ལས། རང་སེམས་མཆོད་རྟེན་དུ་བཀོད་པའི་ལེའུ་སྟེ་སཽ་བཞི་པའོ།། རྒྱམ་།། ། དེ་ནས་རྡོ་རྗེ་སེམས་དཔའ་ཡིས།། སྟོན་པ
113a2 སེམས་ཉིད་ཀུན་བཟང་ལ།། སྦྱིན་སྲེག་ཆེན་པོ་ཇི་ལྟར་ལགས།། ཞེས་གསོལ་པ་དང་། དེ་ནས་སྟོན་པ་ཀུན་བཟང་དེས།། རིན་པོ་ཆེ་འོད་ཀྱི་སྤྲོས་པ་ཐམས་ཅད་སྲེག་པ་ཞེས་བྱ་བའི་ཏིང་ངེ་འཛིན་ལ་བཞུགས་སོ།། དེ
113a3 ལས་བཞེངས་ནས་འཁོར་ལ་འདི་སྐད་གསུངས།། སྙིང་པོ་མ་ཡིན་རང་བཞིན་སྐྱེ་མེད་འགྱུར་མེད་ལ།། མ་འགགས་རྩལ་སྣང་བུ་ཡིས་སྦྱིན་སྲེག་བྱེད། སྐྱེ་མེད་སེམས་ཀྱིས་སྦྱིན་སྲེག་འདི་ལྟར་ཡིན།། ཕྲིན་ལས་རྣམ
113a4 བཞིའི་སྦྱིན་སྲེག་ནི།། ཞི་རྒྱས་དབང་དང་དྲག་པོ་བཞི།། གདུལ་བྱ་བཞི་ལ་དགོངས་ནས་གསུངས།། དང་པོ་ཞི་བའི་སྦྱིན་སྲེག་བྱ།། གཉིས་པ་དྲག་པོའི་སྦྱིན་སྲེག་བྱ།། གསུམ་པ་དབང་གི་སྦྱིན་སྲེག་བྱ།། བཞི་པ་རྒྱས
113a5 པའི་སྦྱིན་སྲེག་བྱ།། སྠི་ཏི་ཡོ་གའི་སྦྱིན་སྲེག་འདི།། རྡོ་རྗེ་སེམས་དཔས་གོ་བར་གྱིས།། དེ་ལ་ཞི་བའི་སྦྱིན་སྲེག་ནི།། མཁའ་ཀློང་ཡངས་པའི་ཟབ་ཁུང་ཟླུམ་པོར་བྱ།། ཐམས་ཅད་ཞི་བར་བྱ་བའི་ཕྱིར།། གཟུང་འཛིན
113a6 གཉིས་ཀྱིས་བཅིངས་པའི་སེམས་ཅན་ཀུན།། བཀུག་ནས་ཐབ་ཁུང་ནང་དུ་གཞུག། ཤེས་རབ་ཆེན་པོའི་མེ་སྦར་ཏེ།། ང་དང་བདག་ཏུ་བཅིང་པ་བསྲེག། དབྱེ་བསལ་མེད་པའི་ངང་དུ་ཞི།། སྲེག་རྫས་མཆོད་པ་མི
iiif viewer powered by OpenSeadragon
