| e-texts navigator |
| Wylie |
112b1 དགོས་ཏེ།། སེམས་ཀྱིས་སྲེག་རྫས་མཆོད་བསྟོད་བགྱིས།། ཞི་བ་གཉིས་མེད་ཆེན་པོར་ཞི།། དེ་ནི་ཞི་བའི་སྦྱིན་སྲེག་གོ། གཉིས་པ་དྲག་པོའི་སྦྱིན་སྲེག་ནི།། ཨེ་ཡི་ཆོས་དབྱིངས་གྲུ་གསུམ་ཐབ་ཁུང
112b2 དུ།། ཐམས་ཅད་དྲག་པོས་ཚར་གཅོད་ཕྱིར།། བདེན་པ་གཉིས་ལ་ཞེན་པའི་སེམས་ཅན་ཀུན།། ཡེ་ཤེས་ཆེན་པོའི་མེ་སྦར་ཏེ།། གཉིས་སུ་འཛིན་པ་བསྲེག་པ་ཡིན།། གཉིས་མེད་ཆེན་པོ་དང་དུ་བསྒྲལ།། དངོས
112b3 འཛིན་ཐམས་ཅད་རྩིས་གདབ་མེད་པར་བསྲེག། མཆོད་རྫས་སྲེག་རྫས་བསྟོད་པ་ཡང་།། མ་ཕུལ་བསྙེན་པ་བྱ་མི་དགོས།། དེ་ནི་དྲག་པོའི་སྦྱིན་སྲེག་གོ།། གསུམ་པ་དབང་གི་སྦྱིན་སྲེག་ནི།། ཆོས་དབྱིངས་ཟླ་གམ་ཐབ
112b4 ཁུང་དུ།། ཐམས་ཅད་དབང་དུ་སྡུད་པ་ཡི།། རྐྱེ་རྒ་ན་འཆིས་བཅིང་པའི་སེམས་ཅན་ཐམས་ཅད་བཀུག། སྤྲོས་པ་ཐམས་ཅད་གཅོད་པའི་མེ་སྦར་ཏེ།། གཉིས་སུ་འཛིན་པ་བསྲེག་པ་ཡིན།། སྐྱེ་ཤི་མེད་པའི་ངང་དུ
112b5 བསྒྲལ།། དགག་སྒྲུབ་གཉིས་མེད་དོན་ལ་དབང་།། དེ་ནི་དབང་གི་སྦྱིན་སྲེག་གོ།། བཞི་པ་རྒྱས་པའི་སྦྱིན་སྲེག་ནི།། ཐམས་ཅད་རྒྱས་པར་བྱ་བ་ཡི།། བལྟ་བསྒོམ་སྤྱོད་དང་འབྲས་བུ་བཞི་ལ་ཞེན་པའི་སེམས་ཅན
112b6 ཀུན།། རང་དངས་རིན་ཆེན་འོད་འབར་མེ་སྦར་ཏེ།། བློས་བརྟགས་ལྟ་བ་ཐམས་ཅད་བསྲེག། ཡིད་བཟུང་བསྒོམ་པ་ཐམས་ཅད་བསྲེག། ཆེད་བྱས་སྤྱོད་པ་ཐམས་ཅད་བསྲེག། ཡིད་སྨོན་འབྲས་བུ་ཐམས་ཅད
iiif viewer powered by OpenSeadragon
