| e-texts navigator |
| Wylie |
112a1 བསྲེག། མི་ལྟ་བལྟར་མེད་ཆེན་པོར་རྒྱས།། མི་བསྒོམ་བསྒོམ་མེད་ཆེན་པོ་རྒྱས།། མི་སྤྱོད་སྤྱོད་མེད་བྱར་མེད་རྒྱས།། མི་བསྒྲུབ་བསྒྲུབ་མེད་ཐོབ་མེད་རྒྱས།། དེ་ནི་རྒྱས་པའི་སྦྱིན་སྲེག་གོ།། མཆོད་བསྟོད་སྲེག་རྫས་མི
112a2 དགོས་ཏེ།། སེམས་ཀྱི་མཆོད་བསྟོད་ཁྱད་པར་འཕགས།། ཕྲིན་ལས་རྣམ་བཞིའི་སྦྱིན་སྲེག་གོ།། སྣང་སྲིད་ཁ་སྦྱོར་བདུད་རྩི་བཅུད་ཟིགས། འཁོར་བ་ཐོག་མཐའ་གཅོད་པའི་རྒྱུད་ལས། སེམས་ཀྱི་དྲི་མ་རྟོག་ཚོགས
112a3 སྤྲོས་པ་མཐའ་དག་བསྲེག་པའི་ལེའུ་སྟེ་སོ་ལྔ་པའོ།། \ུ0f7fས?ཿ།། དེ་ནས་སྟོན་པ་ཀུན་བཟང་ལ།། རྡོ་རྗེ་སེམས་དཔས་འདི་སྐད་ཞུས།། སྦྱིན་སྲེག་བྱ་ལུགས་དེ་ལྟར་ན།། སྦྱིན་སྲེག་ངེས་ཚིག་ཇི་ལྟར
112a4 ལགས།། ཞེས་ཞུས་པ་དང་།། སྦྱིན་སྲེག་བྱ་བའི་ངེས་ཚིག་ནི།། སྤྲིན་ནི་སྙིང་པོའི་རང་བཞིན་ཡིན།། སྐྱེ་མེད་འགག་མེད་དང་དུ་སྲེག། སྦྱིན་ནི་ཐུགས་རྗེ་སྦྲུལ་སྒྲ་ཡིན།། དྲན་མེད་ཡིད་ལ་བྱར་མེད་དང་དུ་སྲེག། སྦྱིན་ནི
112a5 སྣང་ཚུལ་མ་འགགས་པ།། སྲེག་ནི་རྒྱ་ཆད་མེད་པར་སྲེག། སྦྱིན་ནི་རིག་པ་མ་འགགས་པ།། སྲེག་ནི་རིག་མེད་ངང་དུ་སྲེག། སྦྱིན་ནི་དྲན་པ་སྣ་ཚོགས་པ།། སྲེག་པ་དྲན་མེད་ཀློང་དུ་སྲེག། སྦྱིན་ནི་སེམས་རྟོག་སྣ་ཚོགས
112a6 སྲེག་ནི་རྟོག་མེད་བརྟགས་ཞེན་མེད་པར་སྲེག། སྤྲིན་ནི་སྣང་བའི་རང་བཞིན་ལ།། སྲེག་ནི་སྤོང་ལེན་མེད་པར་སྲེག། སྤྲིན་ནི་སྒོ་ལྔའི་རང་བཞིན་ལ།། མ་འདྲང་མི་འབྲུག་དབྱིངས་སུ་སྲེག། སྤྲིན་ནི་ཕྱི་ཡུལ་དཀར
iiif viewer powered by OpenSeadragon
