| e-texts navigator |
| Wylie |
110a1 པདྨའི་གྲུ་བཞི་རུ།། མ་བསྐྱེད་ལྷ་མོའི་བཞུགས་ཚུལ་ནི།། ཤར་ལྷོ་པདྨའི་འདབ་མ་ལ།། འཁྲུལ་སེམས་བྱང་ཆུབ་སེམས་སུ་རིགས།། དྲི་ཡི་རྟོག་ཞེན་རྣམ་དག་པས།། དེ་ན་ལྷ་མོ་རིགས་ལྕམ
110a2 བཞུགས།། ལྷོ་ནུབ་པདྨའི་གདན་སྟེངས་སུ།། རིག་པ་འཛིན་མེད་གསལ་དངས་པ།། མེ་ལོང་ནང་གི་གཟུགས་བརྙན་བཞིན།། རེག་བྱའི་རང་བཞིན་རྣམ་དག་པས།། དེ་ལ་ལྷ་མོ་གསལ་ལྕམ་བཞུགས།། ནུབ་བྱང
110a3 མཚམས་ཀྱི་པདྨ་ལ།། དྲན་པ་ཡིད་ལ་བྱར་མེད་པས།། སྒྲ་ཡི་རང་བཞིན་རྣམ་དག་པས།། དེ་ན་ལྷ་མོ་བདེ་ལྕམ་བཞུགས།། བྱང་ཤར་མཚམས་ཀྱི་པདྨ་ལ།། ཡིད་ལ་འགྱུ་མེད་རང་དངས་པས།། རོ་ཡི་ལྷ་མོ་ཀུན་སངས
110a4 མ།། རོ་ཡི་རང་བཞིན་རྣམ་དག་པས།། སྣ་ཚོགས་གཉིས་མེད་སྟོང་ཉིད་དང་།། དེས་ན་ལྷ་མོ་སྟོང་ལྕམ་བཞུགས།། ལྷ་མོ་ཆ་མཐུན་ཁྱད་པར་འཕགས།། མ་སྐྱེས་སྒོ་མའི་བཞུགས་ལུགས་ནི།། ཤར་སྒོར་སྤྲིན་གྱི་གདན
110a5 སྟེངས་སུ།། སྐྱེ་བའི་ཆོ་འཕྲུལ་རྩད་གཅོད་པའི།། སྒོ་སྲུང་སྐྱེ་མེད་གཏིང་གསལ་བཞུགས།། དེ་ཡིས་ཕུང་པོའི་བདུད་རྣམས་བཏུལ།། ལྷོ་སྒོ་འཇའ་ཚོན་གདན་སྟེངས་སུ།། ན་ཚའི་སྡུག་བསྔལ་རྩད་གཅོད་པའི།། སྒོ་སྲུང
110a6 ང་དངས་ཆེན་པོ་བཞུགས།། དེ་ཡིས་ཉོན་མོངས་བདུད་རྣམས་བཏུལ།། ནུབ་སྒོ་སྨིག་རྒྱུའི་གདན་སྟེངས་སུ།། རྒ་བའི་སྡུག་བསྔལ་རྩད་གཅོད་པའི།། སྒོ་སྲུང་རང་སངས་ཆེན་པོ་བཞུགས།། ལྷ་ཡི་བུ་ཡི་བདུད་རྣམས
iiif viewer powered by OpenSeadragon
